T20 World Cup 2022 Ki Tayyari Shuroo Ho Chuki Hay, Jis Kay Liay Aaj Melbourne Main Sri Lanka Aur Zimbabwe Ka Aik Warm-up Match Hua. Jo Tab Mazedaar Ho Gaya Jab Zimbabwe Nay 11 Players Say Bowling Karwa Di.
Jee Haan! Sirf 20 Overs Kay Liay Zimbabwean Captain Craig Ervine Nay 11 Players Ko Ball Pakrai. Wessly Madhevere Aur Milton Shumba Nay 1,1 Over Phainka, Baqi 9 Players Nay 2,2 Overs Karwaey.
Kiunke Ye Aik Warm-up Match Tha, Is Liay 15 Member Squad Main Say 11 Players Say Bowling Ya Batting Karwai Ja Sakti Thi, Is Liay Zimbabwe Nay Faida Uthaya. Sirf Captain Craig Ervine, Wicket Keeper Regis Chakabva Aur Clive Madande Aisay Player Thay Jinhon Nay Bowling Nahi Ki, Baqi Sab Ko Haath Ghumanay Ka Mauqa Mila. Khair, Is Par Bhi Zimbabwe 33 Runs Say Match Haar Gaya.
International Cricket Main Aisa Sirf 4 Baar Hua Hay Kay Kisi Innings Main 11 Players Nay Bowling Karwai Ho, Aur Aisa Sirf Test Main Hua Hay. ODI Aur T20 Internationals Main Kabhi Aisa Nahi Hua. Haan! Ye Match Warm-up Na Hota To Shayad Ye Unique Record Toot Jata.