West Indies Scotland Kay Haathon Buri Tarah Haarnay Kay Baad Lagta Hay Ab Hosh Main Aa Gaya Hay, Kiunke Us Nay Important Match Main Khatarnaak Zimbabwe Ko Shikast Day Di Hay. 

Hobart Main Honay Walay Is Match Main West Indies Ka Start To Achha Tha. 10th Over Main 1 wicket Par Us Kay 77 Runs Thay. Laikin Phir Aik Kay Baad Doosri Wicket Girti Chali Gai. 

Sirf 11 Runs Kay Izafay Say West Indies Kay 4 Players Out Huay, Wo Bhi Captain Nicholas Pooran, 45 Runs Bananay Walay Johnson Charles, Shamarh Brooks Aur Jason Holder. 

Ye To Akeal Hosein Ki 18 Balls Par 23 Runs Ki Innings Thi Jis Nay West Indies Ko 150 Ki Nafsiati Hadd Paar Karai. 

Yoon Zimbabwe Ko Mila 154 Runs Ka Target, Jo In Form Sikandar Raza Kay Hotay Huay Buhat Ziyada Nahi Lag Raha Tha. Phir Aaj To Unhon Nay Bowling Bhi Buhat Achhi Ki Thi, Sirf 19 Runs Day Kar 3 Wickets. To Umeed Thi Kay Sikandar Batting Main Bhi Chalain Gay. 

Laikin Ye Din Tha Alzarri Joseph Ka. Jinhon Nay Zimbabwe Ki Aik Nahi Chalnay Di. 

Sirf 8th Over Main 64 Runs Par Zimbabwe Kay 5 Khilari Out Ho Chukay Thay, Sikandar Raza Bhi. Jis Kay Baad Har Guzartay Over Kay Sath Umeedain Kam Hoti Chali Gaeen. Yahan Tak Ke 19th Over Main Poori Team 122 Runs Par Hi Dhair Ho Gai. 

Alzarri Joseph Nay Sirf 16 Runs Day Kar 4 Wickets Leen. 3 Wickets Jason Holder Ko Mileen. 

Ab Super 12 Ki Race Buhat Mazedar Ho Chuki Hay. Group ‘B’ Main To Sab Teams Nay 1,1 Match Jeeta Hay Aur Sab Kay Points Barabar Hain. Yani Last Match Sub Ki Qismat Ka Faisla Karay Ga. 

Share.

Leave A Reply