Aik Wo Din Tha Jab SKY vs Rizwan Muqablay Mein Rizwan Buhat Aagay Thay, Aur Ab Ye Haal Hay Ke Suryakumar Yadav Mohammad Rizwan Ko Rankings Kay Baad 2022 Mein Sub Say Zyada Runs Mein Bhi Peechay Chhor Chukay Hain.
T20 World Cup Mein 239 Runs Bananay Walay SKY Nay New Zealand Kay Against T20i Series Mein Bhi 124 Runs Banaey. 2nd Match Mein Un Ki 111 Runs Ki Shandar Innings Nay India Ko Kamyabi Dilai. Aur Sath Hi Yadav Ko ICC Rankings Mein 895 Ki Career Best Rating Par Puhancha Dia.
Unfortunately, Yadav Last Match Mein 13 Par Out Ho Gaey, Yoon Un Kay Rating Points 890 Reh Gaey, Laikin Wo Phir Bhi World No. 1 Batsman Hain. Rizwan Say Aagay, Balkay Buhat Aagay!
Latest T20i Batsmen Rankings Mein Pakistan Kay Mohammad Rizwan 836 Points Kay Sath 2nd Number Par Hain. Pakistani Captain Babar Azam Aur Peechay Ho Kar 4th Number Par Chalay Gaey Hain Aur New Zealand Kay Devon Conway 3rd Position Par Aa Gaey Hain. Top 5 Main Aakhri Batsman South Africa Kay Aiden Markram Hain.
T20i Batsmen Rankings
| Rank | Rating | |
|---|---|---|
| 1 |  Suryakumar Yadav | 836 |
| 2 |  Mohammad Rizwan | 788 |
| 3 |  Devon Conway | 778 |
| 4 | Babar Azam | 748 |
| 5 |  Aiden Markram | 719 |
2022 Mein Sub Say Zyada Runs
Suryakumar Yadav Nay Rizwan Ko Sirf Rankings Mein Hi Peechay Nahi Chora. Balkay Wo Is Saal Sub Say Zyada T20i Runs Bananay Mein Bhi Aagay Nikal Chukay Hain.
T20 World Cup Mein Zimbabwe Kay Against Match Mein 61 Runs Bana Kar Wo Calendar Year Mein 1,000 Runs Ka Milestone Paar Kar Gaey Thay. Ab 2022 Mein 31 Matches Mein Un Kay 1164 Runs Hain. Mohammad Rizwan 996 Runs Kay Sath Doosray Number Par Hain.
Saal 2022 Mein Sub Say Zyada Runs Bananay Walon Mein Virat Kohli, Babar Azam Aur Sikandar Raza Bhi Top Mein Hain.
2022: T20i Mein Sub Say Zyada Runs
| Mat. | Runs | HS | SR | 50s | |
|---|---|---|---|---|---|
| Suryakumar Yadav | 31 | 1164 | 117 | 187.43 | 9 |
| Mohammad Rizwan | 25 | 996 | 88* | 122.96 | 10 |
| Virat Kohli | 20 | 781 | 122* | 138.23 | 8 |
| Babar Azam | 26 | 735 | 110* | 123.32 | 5 |
 Sikandar Raza | 24 | 735 | 87 | 150.92 | 5 |
Saal Mein Sub Say Zyada Runs
Kisi Calendar Year Mein Sub Say Zyada Runs Bananay Ka Record Pakistan Kay Mohammad Rizwan Kay Paas Hi Hay. Unhon Nay 2021 Mein Sirf 29 Matches Mein 1326 Runs Banaey Thay. Aur Un Kay Is Record Ko Fil-Haal Koi Khatra Nahi, Kyunke India Ka Is Saal Ab Koi T20 International Match Nahi Hay. Yani SKY Ka Bat 1164 Runs Par Hi Khamosh Ho Jaey Ga.
Calendar Year Mein Sub Say Zyada T20i Runs
| Year | Mat. | Runs | HS | SR | 50s | |
|---|---|---|---|---|---|---|
| Mohammad Rizwan | 2021 | 29 | 1326 | 104* | 134.89 | 12 |
| Suryakumar Yadav | 2022 | 31 | 1164 | 117 | 187.43 | 9 |
| Mohammad Rizwan | 2022 | 25 | 996 | 88* | 122.96 | 10 |
| Babar Azam | 2021 | 29 | 939 | 122 | 127.58 | 9 |
| Virat Kohli | 2022 | 20 | 781 | 122* | 138.23 | 8 |