Top 10 Most Popular Pakistanis On Twitter

Twitter Pakistan Main Maqbool Tareen Social Platforms Main Se Aik Hay. Khaas Tor Per Politics, Current Affairs, Economics Waghera Se Dilchaspi Rakhnay Walay Twitter Ko Hi Prefer Kartay Hain. Kyunke Yehan Har Khabar Sab Se Pehlay Mil Jati Hay. Pakistan Ki Most Famous Shakhsiyat Ki Baat Ki Jaye Tou PTI Ke Chairman Imran Khan Ko Sab Se Maqbool Siyasatdan Kaha Jata Hay. Ye Baat Twitter Per Unki Followership Se Bhi Sabit Hoti Hay.

Top 10 Most Popular Pakistanis On Twitter

Sabiq Wazir-e-Azam Imran Khan Ke Twitter Per 18.3 Million Follower Hain. Un Ke Muqablay Main Door Door Tak Koi Political Leader Nazar Nahi Aata. Pakistan Ki Koi Aur Shakhsiyat Aisi Nahi Jis Ke 10 Million Se Zyada Follower Nahi Hain. Dilchasp Baat Ye Bhi Hain Ke Imran Khan Twitter Per Khud Tou Sab Se Zyada Follow Ki Jani Wali Pakistani Personality Hain Lekin Wo Khud Kisi Ko Follow Nahi Kartay.

Twitter Per Dusri Famous Pakistani Personality Bhi PTI Se Hain. Sabiq Waizr-e-Khazana Aur Imran Khan Ke Qareebi Saathi Asad Umar Ke 9 Million Follower Hain.

PML N Ki Vice President Maryam Nawaz Twitter Per Maqbuliat Ki Race Main 3^rd Number Per Hain. Un KO 7.8 Million Log Follow Kartay Hain. Maryam Nawaz Aksar Aisi Tweet Kar Deti Hain Jin Per Un Ko Tanqeed Ka Samna Karna Parta Hay.

Senior Journalist Hamid Mir Is List Mian 4^th Number Per Hain. Un Ko Follow Karnay Walon Ki Taadad Bhi 7.8 Million Hay.

Top 10 Ki list Main 5^th Number Per Awami Muslim League Ke Sarbrah Sheikh Rashid Ahmed Hain. Imran Khan Ne Aik Baar TV Show Main Kaha Tha Ke Wo Sheikh Rashid Jesay Shaksa Ko Apna Chaprasi Bhi Na Rakhen. Magar Jab Imran Khan Wazir-e-Azam Banay Tou Sheikh Rashid Ko Aik Seat Ke Bawajood Pehlay Railway Minister Aur Baad Main Interior Minister Banaya. Sheikh Rashid Twitter Per Sirf Imran Khan Aur DG ISPR Ko Follow Kartay Hain.

TV Anchor Iqrar Ul Hasan Syed Apnay TV Program Sar-e-Aam Ki Wajah Se Bohat Maqbool Huvey. Twitter Per Un Ke Chahnay Walon Ki Taadad 6.6 Million Hay.

Shehbaz Shairf Jor Tor Se Imran Khan Ki Hukumat Gira Ke Wazir-e-Azam Tou Ban Gaye. Magar Twitter Ka Raaj Un Se Nahi Cheen Sakay. Is Race Main Shehbaz Shairf Door Balkay Bohat Door Hain. Twitter Per Ab Tak Un Ke Sirf 6.4 Million Follower Hain Jo Imran Khan Ke Muqablay Main 33% Hay.

List Main 8^th Number Per Pakistan Cricket Team Ke Ex Captain Aur Great All Rounder Wasim Akram Hain. Un Ko 6.1 Million Afrad Follow Kartay Hain.

Twitter Per Popularity Main 9^th Position Hay Sabiq Wifaqi Wazir Chaudhry Fawad Hussain Ki. Un Ko Follow Karnay Walay 5.9 Million Hain.

TV Anchor Mubasher Lucman Bhi Top Ten Main Shamil Hain. Un Ke Bhi 5.9 Million Follower Hain.

Pakistan People’s Party Ke Chairman Bilawal Bhutto Zardari Is Saal Bhi Top 10 Main Jaga Nahi Bana Sakay. Un Ko Twitter Per 4.9 Million Log Follow Karaty Hain.

PMLN Ke Leader Nawaz Sharif Tou Is Race Main Bohat Peechay Hain. Ab Tak Un Ke 1 Million Follower Bhi Nahi Huye. Shayad Is Ki Wajah Ye Ho Ke Unhon Ne Twitter Kuch Hi Arsay Pehlay Istemal Karna Shuru Kiya Hay Aur Un Ko Blue Tick Bahi Abhi Chand Mahinay Pehlay Mila Hay. Dilchasp Baat Ye Hay Ke Imran Khan Ki Tarah Nawaz Shairf Bhi Twitter Per Kisi Ko Follow Nahi Kartay.