Turkey Ke Shehr Istanbul Main Bomb Blast Se Kai Afrad Jan Bahaq Aur Darjanon Zakhmi Ho Gaye.

Turkey Media Ke Mutabiq Dhamaka Istanbul Ke Taksim Square Per Hua Jahan Logon Ka Hujoom Rehta Hay.

Dhamka Muqami Waqt Ke Mutabiq Dopehr 4:20 Per Hua. Us Waqt Istiklal Street Per Aurton Aur Bachon Samait Kharidari Karnay Walon Ka Hujoom Tha.

Social Media Per Share Ki Janay Wali Vidoen Main Dhamaka Hota Hua Dekha Ja Sakta Hay. Jis Ke Baad Aurten Khauf Zada Ho Kar Bhagna Shuru Kar Deti Hain.

Dhamkay Ki Baad Cheekh Pukar Aur Afra Tafri Phel Gai. Laashen Aur Zakhmi Sarak Per Paray Dikhai Diye.

Turkey Bomb Blast 2022, Taksim Square
Turkey Mein Dhamaka 1

Police Aur Rescue Service Ki Gariyan Bari Tadad Main Moqay Per Pohncheen. Jinhon Ne Laashon Aur Zakhmion Ko Hospital Muntaqil Kiya.

Ibtidai Tor Par Kaha Gaya Ke Dhamaka Khudkush Hay. Magar Baad Main Samnay Aanay Wali CCTV Video Se Pata Chala Ke Dhamka Khez Mawad Aik Bag Main Tha. Jisay Mubayyana Tor Per Aaik Khatoon Wahan Rakha Kar Gayi Thi.

Turkey Ne Apnay Mulk Ke Media Per Bomb Blast Ki Video Aur Tasaveer Nashar Karnay Per Pabandi Laga Di Hay. Turk Hukam Ka Kehna Hay Ke Aisi Khabren Ya Media Share Na Kiya Jaye Jis Se Khof-o-Haras Phelay.

Taksim Square Istanbul Ki Mashhoor Jagah Hai Jahan Har Waqt Maqami Afrad Aur Sayahon Ka Rush Laga Rehta Hay. Log Dur Dur Se Shopping Ke Liye Yahan Aatay Hain.

Bomb Blast Ki Zimmedari Abhi Tak Kisi Group Ne Qabool Nahi Ki Hay.

Turkey Ki Sarkari Agency Ke Mutabiq Istanbul Ke Governor Ne 4 Afrad Ke Ja Bahq Honay Aur 38 Ke Zakhmi Honay Ki Tasdeeq Ki Hay.

Pakistan Ke Wazir-e-Azam Shehbaz Sharif Ne Istanbul Dhamakay Ki Mazammat Kartay Huye Turkey Ke Saath Izhar-e-Yak Jehti Kiya Hay.

Share.

Leave A Reply