PTI Chairman Imran Khan Ne Kaha Hay Jab Hamari Hukumat Sazish Kar Kay Girayi Tou Humein Pata Tha Kiya Hona Hai. Jo Handlers Baithy Huye Hain Un Ko Bhi Kaha Tha Ke Samajh Jao Ye Tajurba Nakaam Ho Chuka. Magar Bad Qismati Ye Hai Kay Ghalti Theek Karnay Ki Koshish Nahi Ki Gayi. Ab Bhi Ghalti Theek Karne Ka Aik Hi Rasta Hai Kay Fori Shafaaf Election Karwaye Jayen. Ye Hukumat 3 Maah Main Itna Qarz Lay Chuki Jitna Hum Ne 9 Mahinay Main Nahi Liya Tha.

Unhon Ne Mazeed Kaha Ke London Mein Betha Mafroor Nawaz Sharif  Keh Raha Hai Ke Election Nahi Karwanay. Khud Ko Bachanay Ke Liye Mulk Ko Tabahi Ki Janib Dhakela Ja Raha Hai. In Logon Ne Aaj Tak Aik Aadmi Merit Par Nahi Rakha. In Ka Maqsad Sirf Apni Chori Ka Paisa Bachana Hai. Ab Army Chief Ki Appointment Ka Faisla Aik Mujrim Karay Ga.

Imran Khan Nay Turkey Main Huye Blast Per Afsos Ka Izhaar Karte Huye Kaha Kay Turkey Dhamakay Main Log Jaan Bahaq Aur Zakhmi Huye Jis Par Afsos Hai.

PTI Chairman Nay T20 World Cup Final Par Baat Karte Huye Kaha Ke Shaeen Afridi Injured Na Hotay Tou Result Par Asar Par Sakta Tha. Umeed Thi Pakistan Final Jeetay Ga Lekin Match Mein Haar Jeet Hoti Rehti Hai. Khushi Hai Ke Pakistani Team Ne Match Mein Jaan Maari. Team Ko Final Mein Pohnchanay Per Mubarakbad Deta Hun.

شیئر

جواب لکھیں