Humain Kya Sab Ko Andaza Hay Ke Aajkal Halaat Kya Chal Rahay Hain. Mulk Ki Kharab Economic Conditions Ka Asar Har Shakhs Par Parr Raha Hay Aur Sabhi Income Barhana Chahtay Hain. Is Ka Aik “Aasan” Tareeqa Hay Freelancing. Laikin Freelancer Ki Hasiyat Say Kya Kaam Karain? Aaen Aap Ko Batatay Hain. Yaad Rakhain Ke Freelancing Kisi Bhi Shobay Mein Ho, Aap Ko Zabardast Skills Darkaar Hoti Hain. Is Liay Skills Par To No Compromise!
Skill Based Job
Video Editing
Is Daur Mein Kaun Hoga Jo Videos Nahi Dekhta Hoga? Drama Ho Ya Ad, Short Stories, Documentaries, Movies Etc. In Sab Kay Liay Video Editing Ki Zarurat Hoti Hay. Agar Aap Kay Paas Ye Skill Hay To Aap As A Freelancer Is Say Kafi Kama Saktay Hain.
Graphics Designing
Phir Graphics Designing Hay Jo Video Editing Mein Bhi Istaymaal Hoti Hay Aur Alag Say Bhi Is Mein Buhat Kaam Aata Hay. Companies Ya Individuals Ka Buhat Saa Kaam Aap Ko Mil Sakta Hay.
Web Designing/ Development
Website Aaj Kal Kay Daur Main Aap Ki Shop Hay. Dunya Bhar Main Rozana Hazaron Websites Ban Rahi Hain. 2014 Say 2017 Kay Beech 1 Billion New Websites Baneen, Aur In Main Izafa Hota Hi Ja Raha Hay. Is Kaam Kay Liay Graphics Ki Malomaat Aur Web Development Ki Skill Chahiyain.
App Development
Laikin Website Say Zyada Apps Ban Rahi Hain. Smartphones Kay Istaymaal Barhnay Say App Development Ka Future Bhi Behtar Say Behtareen Ho Raha Hay.
3D Animator
Is Waqt Dunya Main Sab Say Zyada Famous Hain Gaming Apps Hain. Jin Ko Bananay Main 3D Animators Ka Bunyadi Kirdar Hota Hay. Agar Aap Animations Main Aana Chahtay Hain To Future Aap Ka Hay.
Data Entry
Dunya Main Mukhtalif Companies Rozana Ki Bunyad Par Apna Database Update Kerti Hay. Is Liye Online Data Entry Operators Ki Maang Bhi Hay. Ye Basic Level Ka Kaam Hota Hay, Is Liay Itni Zyada Expertise Ki Zarurat Nahi Hoti, Jitnay Doosray Kaamon Kay Liay Hay.
Online Store Manager
Online Shop/Store Ki Products, Entities Price Mechanism Samait Sab Kaam Dekhna, Online Store Manager Ki Zimmedari Hoti Hay. Online Business Ka Barhtay Karobaar Ki Waja Say Online Manager Ki Bhi Demand Main Izafa Ho Raha Hay.
Social Media Manager
Social Media Presence Aaj Kay Har Public Figure Ki Majboori Hay. Kisi Issue Par Tweet Karna Ho, Kisi Ko Retweet Karna, Reply, Like, Share, … Ye Sab Kuch Aik Mukammal Job Hay, Jis Kay Liye Ab Managers Rakhay Ja Rahay Hain.
Accounting
Agar Aap Accounting Jaantay Hain Aur Kisi Bhi Company Kay Accounts Manage Kar Saktay Hain To Dunya Main Kai Companies Accountants Ki Job Bhi Daiti Hain. Ye Long-Term Job Bhi Ban Sakti Hay Aur Aap Apni Company Bana Kar Bhi Services Day Saktay Hain.
AutoCAD
2d Maps, House, Machinery, Industry Drawings Waghera Ka Kaam, Agarchay Dunya Main 3-D Printers Aa Gaye Hain, Magar Ye Aaj Bhi Cost Effective Solution Hay.
Writing Based Jobs
Article Writing
Agar Aap Ki English Ya Urdu Achhi Hay Aur Aap Alfaaz Say Khelna Jantay Hain To Aik Dunya Aap Ki Muntazir Hay. Likhain Aur Paisay Banayen.
Ghost Writing
Yani Kisi Kay Liye Likhna. Dunya Main Buhat Si Websites Aur Log Aisay Hain Jo Apnay Liye Likhwana Chahtay Hain. Unko Ghost Writer Chahiye Hotay Hain. Agar Aap Ka Style Kisi Ko Pasaand Aa Jaye To Ye Bhi Long-Term Relationship Ban Sakta Hay.
E-Book Writing
Puri Ki Puri Kitaab Likhna, Wo Bhi E-Book Ki Soorat Mein. Agar Aap Main Ye Skill Hay Kay Aap Kisi Topic Par Puri Kitab Likh Saktay Hain To Kisi Kay Liye, Ya Apnay Liye, Likhain Aur Achi Amount Hasil Karain.
Marketing Jobs
Digital Marketing
Social Media Par Aap Rozana Hazaroon Ads Daikhtay Hain. Mukhtalif Companies Apnay Aap Ko Social Media Par Behtar Project Karna Chahti Hain. Aap Unki Madad Karain, Woh Aap Ki Karain Gi.
Copy Writing
Digital Marketing Kay Ads Kay Liye Script Kahan Say Ataa Hay? Jee Haan! Ye Copy Writer Likhtaa Hay. Aap Jitnay Zyada Creative Hon Gay Utha Zyada Kama Saktay Hain. Agar Aap Acha Script Likh Saktay Hain To Aap Digital Marketing Company Bana Kar Bhi Hazaro Nahi Lakhoon Dollars Kama Saktay Hain.
SEO/ASO
Search Engine Optimization Ya App Store Optimization, Aap Apni Website Par Zyada Traffic Kaisay La Saktay Hain? Ya Aap Apni App Par Traffic Kaisay Generate Kar Saktay Hain? Agar Ye Hunar Aap Ko Aata Hay To Ye Kaam Aap Ko Buhat Amdani Day Sakta Hay.
Chat Support Officer
Dunya Ki Har Company Ko Chat Support Officers Chahiye Hotay Hain. Is Main Aap Ki Language Kay Sath Sath Marketing Aur Communication Skills Bhi Buhat Aham Hain. Agar Aaap Achaa Kaam Kartay Hain To Aap Commission Main Bhi Hissay Dar Ban Saktay Hain.
Other Jobs
Voice Over Artist
Dunya Ab Aik Global Village Ban Chuki Hay. Jis Main Har Koi Doosray Ko Mukhatib Karna Chahta Hay Ya Kar Raha Hay. Aisay Main Agar Aap Apni Awaz Ka Jadu Jaga Sakaty Hain To Aap Kay Liay Aik Goldmine Khul Sakti Hay.
Online Tutoring
Aap Kisi Bhi Subject Main Khud Ko Ustaad Samjhtay Hain To Aap Dunya Bhar Main Tuition Day Saktay Hain. Is Kay Sath Languages Ki Bhi Buhat Assignments Hoti Hain. Kai Pakistani Chinese Logon Ko English Parha Rahay Hain. Is Kay Ilawah Online Quran Parhanay Ki Jobs Bhi Milti Hain. Agar Aap Achay Qari Hain To Yahan Achaa Kaam Kar Saktay Hain.
Virtual Assistant
Dunya Main Sab Ki Apni Priorities Hoti Hain. Har Shakhs Apnay Saray Kaam Khud Nahi Kar Sakta, Aur Unhain Zarurat Parti Hay Virtual Assistant Ki. Yani Aap Logon Kay Liye Un Kay Who Kaam Kartay Hain, Jin Kay Liye Un Kay Pass Time Nahi Hay, Maslan Searching, Shopping, Event Arrangements Waghaira.
Ye Sab Job Aap Ko Kuch Mahaarat Kay Sath 50 Say 60 Hazar Day Sakti Hay, Magar Waqt Kay Sath Aap Hazaroon Ko Lakhon Bhi Day Sakti Hain.