Wifaqi Hukumat Nay Sood Se Mutaliq Federal Shariat Court Kay Faislay Ke Khilaf Appealen Wapas Lenay Ka Ailan Kar Diya.

Wifaqi Wazir-e-Khazana Ishaq Dar Ne Islamabad Main Press Conference Kartay Huye Kaha Ke Kuch Mahinay Pehlay Wifaqi Shariat Adalat Nay Soodi Nizam Ke Khilaf Faisla Diya Tha. State Bank Of Pakistan, National Bank Aur Deegar Conventional Bankon Nay Faislay Ke Khilaf Appeal Ki Theen. Hukumat Sarkari Bankon Yani State Bank Aur National Bank Ki Taraf Se Daair Ki Gayi Appeal Wapas Le Rahi Hay.

Ishaq Dar Ne Kaha Ke Mulki Economy Ki Behtri Ke Liye Aham Iqdamat Kar Rahe Hain. Mulk Ko Bohat Jald Sood Se Pak Banking Nizam Ki Taraf Le Jayen Ge. Governor State Bank Ke Saath Muamlay Per Tafseeli Ghaur Kiya Gaya. Faislay Main Wazir-e-Azam Ki Ijazat Aur Governor State Bank Ki Mushawarat Shamil Hay. Shariat Court Ke Faislay Ke Khilaf Appealen Chand Roz Main Wapas Le Li Jayen Gi.

Share.

Leave A Reply