PTI Ke Senator Azam Khan Swati Ko Fauji Afsaraan Ke Khilaaf Controvercial Tweet Karne Par FIA Ne Girftar Kar Liya.

FIR Mein 3 Twitter Accounts Ka Hawala Dete Hue Kaha Gaya Hai Ke Azam Swati Aur Mazkoorah Accounts Ne Mazmoom Maqasid Ke Sath Reyasti Idaron, General Qamar Javed Bajoh Samait Senior Fauji Afsaraan Ke Khilaaf Intehai Jarehana Andaaz Mein Twitter Par Muhim Ka Aaghaz Kya .

FIR Mein Mazeed Kaha Gaya Hai Ke ‘Is Tarha Naam Le Kar Aur Ilzaam Laganay Wali Ishtial Angaiz Tweet Riyasat Ko Nuqsaan Pohanchanay Ke Liye Musallah Afwaj Ke Afsaraan Ke Darmiyan Tafreeq Peda Karkay Auar Baghaawat Ki Shararat Hai. Ishtial Angaiz Tweet Par Tabsaray Karkay Mulzimaan Ne Fauji Afsaraan Ko Un Ki Zimma Darion Aur Wafadaari Se Behkanay Ki Koshish Ki Aur Azam Swati Ki Taraf Se Yeh Baar Baar Koshish Ki Ja Rahi Thi.’

FIR Mein Kaha Gaya Hai Ke ‘26 November Ko Azam Swati Ne Aik Tweet Share Ki Thi Jis Mein Likha Tha Ke Woh Senior Fauji Afsar Ke Khilaaf Har Mahaaz Par Jayen Ge. Jabkay 19 November Ko Aik Aur Twitter Account Se Likha Gaya Ke Mulk Ki Tabahi Ke Zimmay Daar Generals Hain Jis Par Azam Swati Ne Jawab Diya Ke’ Shukriya.’

FIR Ke Mutabiq ‘24 November Ko Aik Twitter Account Ki Tweet Mein Likha Gaya Tha Ke’ Tabdeeli Ka Aaghaz Idaron Se Corrupt Generals Ko Saaf Karne Se Hona Chahiye Tha,’ Jis Par Bhi Azam Swati Ne Jawab Diya Ke’ Shukriya ‘. FIR Mein Mazeed Likha Gaya Hai Ke 24 November Ko Aik Aur Twitter Account Ne Aik Mutanazia Tweet Kya Jis Par Azam Swati Ne Army Cheif Ke Mutaliq Nazeba Alfaaz Istemaal Kiye.’

Sabiq Wifaqi Wazeer Ke Khilaaf Muqadma PECA Act 2016 Ki Dafaa 131, 500, 501, 505 Aur 109 Pakistan Penal Code Ke Tehat Darj Kya Gaya Hai.

Azam Swati Ki Giraftari Ki Muzammat

Pakistan Tehreek Insaaf Ke Chairman Imran Khan Ne Azam Khan Swati Ki Giraftari Ki Muzammat Ki Hai. Twitter Pegham Mein Unhon Ne Kaha Ke ‘Mein Heran Hun Ke Hum Kitni Tezi Se Na Sirf Banana Republic Balkay Aik Fascist Riyasat Mein Tabdeel Ho Rahay Hain.

Unhon Ne Mazeed Likha Ke Senator Azam Swati Ko Hirasat Mein Le Kar Tashadud Karne Ke Baad Aik Black Mailing Video Un Ke Khandan Ko Bheji Gai. Us Wali Takleef Ko Koi Kaisay Nahi Samajh Sakta.’

Sabiq Wifaqi Wazeer Asad Umar Ne Rad-e-Amal Dete Hue Tweet Kya Ke Azam Swati Ne Jis Bawaqar Andaaz Mein Khud Ko Aaj Girftari Ke Liye Paish Kya Is Se Zahir Hota Hai Ke Woh Aik Usool Ke Liye Lar Rahay Hain.

Asad Umar Ne Likha Ke’ Aap Azam Swati Ke Alfaaz Ke Intikhab Ya Un Ke Khayalat Se Ikhtilaaf Kar Satke Hain, Lekin Aap Un Se Is Baat Par Ikhtilaaf Nahi Kar Satke Ke Jo Kuch Bhi Ho Qanoon Ke Dairay Mein Reh Kar Karna Chahiye. ‘

Sabiq Wifaqi Wazeer Shireen Mazari Ne Azam Khan Ki Giraftari Ki Video Share Ki. Likha Ke Hamaray Azadi March Se Khitaab Karne Ke Baad FIA Ne Senator Azam Swati Ko Dobara Girftar Kya. Kyunkay Taqreer Mein Unhon Ne Kuch Sawalaat Kiye Aur Bataya Ke Un Ke Aur Un Ke Khandan Ke Sath Kya Huwa. Kya Yeh Un Ka Jurm Hai? Kya Chairman Senate Ne Dobara Is Giraftari Ki Manzoori Di Hai? Yeh Sirf Fascism Hay.

PTI Ke Senator Aur Sabiq Wifaqi Wazeer Azam Swati Ko Pichlle Mahinay 13 October Ko Bhi FIA Cyber Crime Cell Ne Girftar Kya Tha.

FIA Ki Janib Se Dair Kiye Gaye Muqadmay Mein ‘PTI Ke Senator Ko Army Cheif Aur Reyasti Idaron Ke Khilaaf Nafrat Angaiz Aur Dhamki Amaiz Tweet Karne Ka Ilzaam Lagaya Gaya Tha .


Kayi Din Ke Jismani Remand Ke Baad Adalat Ne Un Ki Zamanat Manzoor Ki Thi. Azam Swati Ne Rihayi Ke Baad Ilzamaat Lagaye Thay Ke Hirasat Mein Un Par Shadeed Tashadud Kya Gaya. Un Ko Nanga Kya Gaya. Un Ki Aur Un Ki Biwi Ki Private Video Banai Gayi Aur Family Ko Bheji Gayi. Azam Swati Press Conference Mein Khud Se Honay Walay Sulook Ka Batatay Hue Jazbati Hogaye Thay Aur Phoot Phoot Kar Ro Parray Thay.

Share.

Leave A Reply