Shehbaz Sharif Car Ki Dickey Main Beth Kar Army Chief Say Milnay Jatay Thay, Ijaz Ul Haq Ka Bayan Social Media Par Viral Ho Gaya.
Muslim League Zia Kay Sadar Ijaz Ul Haq Nay Chand Din Pehlay Aik TV Program Main Baat Kartay Huye Kaha Tha Kay Log Imran Khan Ki Mulaqaton Par Tanqeed Kar Rahay Hain, Yehan Aisay Log Bhi Hain Jo Caron Ki Dickey Main Beth Kar Army Chief Say Milnay Jatay Thay. Anchor Nay Sawal Kia Kay Kaun Jata Tha? Tou Us Par Ijaz Ul Haq Nay Kaha Kay Ab Jo Wazir-e-Azam Hain Wo Army House Main Mulaqat Kay Liye Dickey Main Beth Kar Jaya Kartay Thay. NRO Aisay Hi Nahi Mila. Anchor Nay Tanz Kiya Kay Shayad Isi Liye Shehbaz Sharif Ki Kamar Main Dard Bhi Rehta Hay.
Ijaz Ul Haq Ka Ye Bayan Social Media Par Khoob Viral Ho Raha Hay. PTI Rehuma Aur Shehri Is Bayan Aur Mubayyana Mulaqaton Per Tabsiray Kar Rahay Hain.
Imran Khan Ne Shehbaz Shrif Se Muzakrat Per Kaha Ke Un Se Kiya Baat Karun, Ijaz Ul Haq Ka Bayan Dekh Lain, Wo tou Dickey Main Chup Chup Kar Army Chief Say Milnay Jata Hay.
Social Media Par Ijaz Ul Haq Ki Video Jungle Ki aag Ki Tarah Phail Gayi Tou Unhon Nay U Turn Lay Liya. Tweeter Paigham Main Kaha Ke Un Ko Ye Malumat Social Media Se Mili Theen Jo Ghalat Theen, Wo Apnay Alfaz Wapas Laitay Hain, Un Ka Maqsad Kisi Ki Dil Azari Nahi Tha.