PTI Long March Kay 4th Day Ka Ikhtataam Chanda Qila Par Huwa. Paanchven Din Ka Aaghaz Gujranwala Say Ho Ga. Imran Khan Nay Long March Kay Gujranwala Pouhanchnay Par Khitaab Main Kaha Qaum Nawaz Sharif Ki Wapsi Ka Intizar Kar Rahi Hay Aur Kaha Ke Is Dafa Qaum Unhen Wapas Janay Nahi Day Gi. Un Ka Kehna Tha Kay Long March Dekh Kar Nawaz Sharif Kay Platelets Phir Na Gir Jayen.

Un Ka Kehna Tha Kay Nawaz Sharif Ko Lagta Hay Kay Wo Taqatwar Halqon Say Deal Kar Kay Wapas Aa Jayen Gay. Taqatwar Halqon Nay Tumhen NRO Diya Ho Ga Pakistan Nay NRO Nahi Diya. Imran Khan Ne Kaha Ke Jab Bhi Nawaz Sharif Say Pucha Jata Hay Kay Itni Malkiat Kaisay Banai Tou Wo Bhagora Bahar Bhaag Jata Hay.

Chairman PTI Nay Kisi Ka Naam liye Baghair Kaha Kay Agar Aap Zabardasti Koshish Karen Gay Kay Hum Un Choron Ki Himayat Karen Ya Un Ki Qayadat Ko Qubool Karen To Qaum Aap Kay Khilaaf Ho Jaye Gi.

Imran Riaz Khan Ko Interview Main Imran Khan Nay Kaha Meray Khilaaf Jitni Press Conferences Karen Koi Masla Nahi, Jis Nay Bhi Press Conference Ki Wo Awam Main Zaleel Hoga. Jis Terhan Lautay Awam Main Zaleel Huye Kyunkay Awam Kharray Ho Gaye Hain.

Is Say Pehlay Long March Kay Shurka Say Khitab Main Imran Khan Ka Kehna Tha Kay Kabhi Bhi Mulki Establishment Awam Kay Khilaaf Khari Nahi Hoti Kyunkay Awam Aur Fauj Mil Kar Mulk Ko Mazboot Kartay Hain. Main 6 Maah Say Mulk Main Inqilab Dakh Raha Hun. Sawal Sirf Yeh Hay Kay Yeh Election Ke Zariye Aaye Ga Ya Phir Is Ke Liye Khoonrezi Hogi.

Share.

Leave A Reply