Wifaqi Wazir-e-Dakhla Rana Sana Nay Senior Sahafi Arshad Sharif Kay Qatal Par Imran Khan Ko Zimmedar Qarar Day Diya.
Islamabad Main Press Conference Kartay Huye Rana Sana Ka Kehna Tha Kay Abhi Tak Samnay Aanay Walay Shawahid Aur Haqaiq Kay Mutabiq Arshad Sharif Kay Qatal Kay Tanay Banay Aur Isharay Bazahir Imran Khan Aur Salman Iqbal Ki Janib Jatay Hain.
Unhon Nay Kaha Kay Arshad Sharif Kay Qatal Par Cipher Ki Tarah Propaganda Kiya Gaya. Arshad Sharif Kay Mutaliq Kaha Gaya Kay Kay Unhen Dara Dhamka Kar Zabardasti Bahar Bheja Gaya. Ye Propaganda Isi Tarah Ka Khail Hay Jo Cipher Par Khaila Gaya. Cipher Ki Tarah Is Main Bhi In Ka Makruh Chehra Samnay Aaye Ga Kay In Main Is Ka Kya Aur Ghatya Kirdar Hay.
Rana Sana Ka Kehna Tha Kay Imran Khan Kehtay Hain Arshad Sharif Ko Daraya Gaya, Sawal Ye Hay Kay Unhen Kis Nay Daraya. Farmaishi Thret Letter KP Hukumat Nay Jari Kiya.
Us Threat Letter Kay baad Wo Dubai Chalay Gaye. Wahan Un Ka Visa Khatam Hua, Wo Chahtay Tou Dubai Main Ruk Saktay Thay. Magar Unhen Daraya, Dhamkaya Gaya Aur Mashwara Diya Gaya Aur Unhen Dubai Say Kenya Bheja Gaya.
Rana Sana Nay Kaha Kay Khuram Nami Shakhs Jo Kenya Main Pehlay Roz Say Arshad Sharif Kay Saath Tha Wo ARY Ka Mulazim Hay. Waqar Nami Shaksh Ka Kirdar Bhi Mashkook Hay.
Rana Sana Nay Kaha Kay Firing Kay Baad Gari Ruki Kyun Nahi, Gari Kahan Lay Jayi Gai? In Sawalon Say Ishary Do Afrad Imran Khan Aur Salman Iqbal Ki Taraf Jatay Hain. Taham Haqaiq Ki Mazeed Chaan Been Jari Hay.
Un Ka Kehna Tha Kay Imran Khan Ko Jab Bhi Long March Shuru Karna Hota Hay Unhen Lashen Mil Jati Hain. 2014 Main Saniha Model Town Ko Bunyad bana Kar March Kiya Gaya. Ab Unhen Sahafi Ki Lash Mil Gayi Hay Jis Par Wo Panay Fitna o Fasad march Ki Bunyad Rakh Rahay Hain.