PTI Chairman Imran Khan Nay Kaha Hay Kay 30 Saal Say Chori Karnay Wala Nawaz Sharif Ab Army Chief Ki Selection Ka Faisla Karne Ja Raha Hay. Mulk Ki Qismat Ka Har Bara Faisla Wo Criminal Karay Ga Jo 3 Sal Se Mulk Main Nahi Hay.

Imran Khan Ne Long March Ke Shurka Se Video Link Per Khitab Kiya. N League Ne Kabhi Zindagi Main Merit Par Koi Kaam Nahi Kiya. Jo Merit Par Aaye Usay Army Chief Banna Chahiye. Lekin Nawaz Sharif Usay Army Chief Banana Chahtay Hain Jo Un Ki Chori Bachaye. Nawaz Sharif Hamesha Us Aadmi Ko Oopar Latay Hain Jis Say Unhain Faida Miley.

Imran Khan Nay Kaha Yeh Log Chori Ka Paisa Bachanay Kay Liye Idaron Ko Control Karte Hain. NAB Par Bhi Unhon Nay Apna Aadmi Bithaya Hua Hay.

Imran Khan Ka Kehna Tha Ke Unhon Nay NAB Qawaneen Hi Khatam Kar Diye Ab White Collar Crime Pakarna Mushkil Ho Gaya Hay. Jo Idaray Chori Rok Satkay Hain Ye Un Ko Tabah Kar Detay Hain. Ye Kahani Sirf Pakistan Ki Nahi Saaray Ghareeb Mumalik Ki Hay. Dosray Ghareeb Mumalik Mein Bhi Zardari Aur Shareef Mafia Jaisay Log Baithy Hain.

Share.

Leave A Reply