PTI Chairman Nay Tuesday Say Long March Dobara Shuro Karnay Ka Ealan Kiy Hay. Lahore Main Press Conference Kartay Howay Un Ka Kehna Tha Kay March Ka Aghaz Waziraabad Ose Muqam Say Ho Ga Jahan Par Golian Barsain Gayian, Hamara Long March Aglay 10 Say 15 Roz Main Rawalpindi Puhanche Ga Jahan Woh Khud March Ki Qayadat Karain Gay.

Unho Nay Long March Par Firing Ka Zikar Kartay Howay Kaha Kay Mujhe Yaqeen Hay Kay 3 Logon Nay Meray Qatal Ki Saazish Ki, Yeh Mera Haq Hay Kay Un 3 Afraad Kay Khilaaf FIR Karwaon, Sobay Main Hamari Apni Hukoomat Hay, Main Sabiq Wazeer E Azam Hon Agar Main Apni Marzi Say FIR Nahi Kara Sakta Tou Phir Aam Admi Aur Poori Qoum Ko Insaaf Kaisay Milay Ga?

Imran Khan Ka Kehna Tha Kay Shehbaz Sharif Nay Judicial Commission Ki Baat Ki Jisay Welcome Karta Hon, Magar 3 Log Jin Kay Naam Unho Nay liy Un Kay hotay Hue Shafaaf Tehqiqaat Nahin Hosktin.

Un Ka Kehna Tha Kay Azam Swati Ki Wife Ko Bheji Gayi Video Original Hay. Ussay Fake Keh Kar Cover Up Karnay Ki Koshish Ki Jarahi Hay. Azam Swati Insaf Kay liye Supreme Court Kay Bahir Dharna Daingay

Imran Khan Ko Sehat Behtar Honay Par Shaukat Khanum Hospital Say Discharge Kar Diya Giya, Jis Kay Baad Wo Zaman Park Rawana Ho Gay.

Share.

Leave A Reply