Chairman Pakistan Tehreek Insaaf Nay Kaha Hai Kai Iss Baar Wifaq Kay Sath Sindh Mai Bhi Government Banayen Gay.
Karachi Main Baldiyati Election Kay Umeedwaron Say Khitab Kartay Huye Imran Khan Nay Shehar Kay Logon Ko Saraha Aur Un ko Mulk Main Sab Say Ziyada Political Awareness Rakhnay Walay Log Qarar Diya.
Unhon Nay Kaha Kay Karachi Tehreek-e-Insaaf Ka Shehar Hay, Aik Waqt Tha Kay Yahan Say Tamaam Political Struggle Ki Shuruat Hoti Thi Aur Hum Chahtay Hain Kay Wo Waqt Wapas Aaye.
Imran Khan Nay Kaha Kay PTI Ab Wifaq Kay Ilawa Sindh Main Bhi Hukumat Banaye Gi Aur Sindh Say Daku Raaj Ko Hataya Jaye Ga, Aik Khandan Pichlay 30 Saal Say Subay Main Loot Maar Kar Raha Hay.
Azadi March Sai Mutaliq Un Ka Kehna Tha Kay Ab March Kay Liye Call Denay Main Der Nahi Karun Ga Aur Ab Jab Call Dun Ga Tou Saray Pakistan Ko Haq Kay Liye, Pakistan Kay Liye Aur Apnay Bachon Kay Mustaqbil Kay Liye Khara Hona Hay.