By-Election Kay Ghair Sarkai Results Main PTI Nay Maidaan Maar Liya. National Assembly Ki 8 Aur Punjab Assembly Ki 3 Nishiston Par By Election May PTI, PPP Aur PML N Ka Muqabla Tha.

PTI Chairman Imran Khan Nay 6 Nishiston, NA- 239 Karachi, NA-31 Peshawar, NA-22 Mardan, NA-24 Charsadda, NA-108 Faisalabad, NA-118 Nankana Sahib, Par Kamyabi Hasil Ki.

NA-237 Karachi Par Imran Khan Ko Upset Shikast Hui. Yahan Pakistan Peoples Party Kay Hakeem Baloch Jeet Gaey .

NA-157 Multan Ki Nishist Bhi Pakistan Peoples Party Kay Naam Rahi.

Punjab Assembly Ki Nishist PP-139 Sheikhupura Aur PP-241 Bahawalnagar Par PML (N) Nay Medan Mara. PP-209 Khanewal Main PTI Candidate Nay Kamyabi Hasil Ki.

Polling Kay Dauran Siyasi Workers Main Garma Garmi Bhi Hui. Karachi Main NA-237 Kay Elaqay Malir Bakra Piri Main Mubayana Dhandli Say Roknay Par Peoples Party Karkunan Nay Hamla Kar Kay PTI MPA Bilal Ghaffar Ki Naak Ki Haddi Torr Di. NA-31 Peshawar Main PTI Aur ANP Karkun Larr Paray.

Polling Kay Doran Tafreeh Bhi Chalti Rahi . Wazir e Khazana KP Taimor Saleem Jhagra Nay Karkuno Kay Sath Cricket Khaili.

Multan Main Dulha Baraat Lay Kar Polling Station Puhanch Gaya. Pehle Vote Dala Phir Dulhan Lene Gaya.

Karachi Aur Peshawer Main Voters Nay Adam Dilchaspi Dikhayi. Turn Out Tawaqqa Say Kam Raha.

Share.

Leave A Reply