PTI Chairman Imran Khan Kehtay Hain Ke Apni Agencies Se Poochta Hun Ke Kiya Aap Ka Kaam Yehi Reh Gaya Hay Ke Logon Ki Jasusi Karo, Telephone Tape Karo, Jor Tor Karo Ke Kis Ko Le Kar Aana Hay? Choron Ko Hamare Upar La Kar Bitha Diya Hay. Logon Ko Dara Dhamka Rahe Hain, Media Per Crackdown Kia Hua Hay.

Rawalpindi Main PTI Taqreeb Se Khitab Main Imran Khan Ne Mutalba Kiya Ke JIT Bana Kar Pata Chalaya Jaey Ke PM House Ki Recording Main Kaun Si Agency Zimmedar Hay.

Imran Khan Ka Kehna Tha Ke Long March Hamara Haq Hay. Shehbaz Sharif Aur Rana SanaUllah Ultay Bhi Latak Jayen Tou Yeh Hamara Kuch Nahi Kar Saktay. Long March Per Hum Jantay Hain Kay Wifaqi Hukomat Kia Karay Gi Magr Yah Log Hamara Plan Nahi Jantay, Har Jaga Phone Tape Ho Rahay Hain Is Liye Plan Kisi Se Bhi Discuss Nahi Hua.

Is Se Pehlay Twitter Paighamat Main Imran Khan Ne Likha Ke Audio Leaks Qaumi Salamati Ki Sangeen Khilaf Warzi Hain. Hum Adalat Jaen Ge. Sensitive Muamlat Ki Ghair Qanooni Recording Ki Gai Jo Baad Main Hack Hueen. Imran Khan Ne Kaha Ke Samnay Aanay Wali Audios Main Se Kai  Main Jaalsazi Ki Gai Hay.

Imran Khan Ke Tweet Ke Jawab Main Maryam Nawaz Ne Tweet Kiya Ke Tum Tou Kehtay Thay Hamari Agencian Dunya Ke Outstanding Agenciyan Hain Jin Ko Sab Pata Hota Hay Aur Hona Bhi Chahiye. Tumhare Mukhalfeen Ke Khilaf Jo Ho Wo Halal Aur Jo Tumhare Khilaf Ho Wo Haram? Tumhari Har Baat Main Fitna, Shar Aur Sazish Hay.

Share.

Leave A Reply