Pakistan People’s Party Ke Rehnuma Mustafa Nawaz Khokhar Ka Kehna Hay Ke Ye Wazir-e-Azam Ka Daftar Hay Ya Kisi Chaprasi Ka, Ke Isay Bug Kar Lia Jaye. Aisay To National Security Say Mutaliq Batain Bhi Kisi Kay Haath Lag Sakti Hain.

Aap Baghair Kisi Qanoon Kay Siyasat Danon Ko Tape Karain. Judges, Journalists Kay Phone Tape Karain Aur Phir Aap Un Ko Black Mail Karain. Koi Puchnay Wala Nahi Hay. Adliya Bhi Mutnaza Faislay Deti Hay.

Raftar Ko Exclusive Interview Detay Huye Unhon Ne Kaha Kay Is Mulk Ko Security State Kay Taur Par Nahi Chalaya Ja Sakta. Yahan Kisi Jamhuri Hukumat Ko Kaam Nahi Karnay Dia Jata. Sazishon Main Sab Say Bara Kirdar Establishment Ka Hota Hay. Wo Kahtay Hain Ke Hum Neutral Hain, Jab Ke Foreign Policy Ho Ya Degar Koi Mamla Yahan Tak Ke Siyasat Main Bhi Un Ka Amal Dakhal Hota Hay. Afsos Ki Baat Hay Ke Mulk Main Jo Bay Panah Masaail Hain Wo Sab Aik Taraf Aur November Ki Appointment Aik Taraf Hay.

Share.

Leave A Reply