Nooriabad Ke Qareeb Musafir Coach Main Aag Lagnay Se 13 Bachon Samait 18 Afrad Janbahaq Ho Gaye.

Hadsa Karachi Se Khairpur Nathan Shah Janay Wali Coach Ko Motorway M-9 Per Paish Aaya. Hukkam Ke Mutabiq Aag Coach Ke AC Plant Main Lagi Jis Ne Dekhtay Hi Dekhtay Puri Bus Ko Lapait Main Le Liya.

Aksar Musafir Gehri Neend Soye Huye Thay. Aag Itni Shadeed Thi Ki Zyada Tar Afrad Ko Nikalnay Ka Mauqa Hi Nahi Mila.

Ittela Milnay Par Rescue Aur Fire Brigade Moqay Per Pohnchay. Police Hukkam Ke Mutabiq 17 Afrad Zakhmi Bhi Huye Jin Ko Qareebi Hospital Pohnchaya Gaya.

Wazir-e-Ala Sindh Murad Ali Shah Ne Hadsay Per Afsos Ka Izhar Kiya Aur Intezamia Ko Mutasreen Ke Ahl-e-Khana Se Mukammal Taawun Ki Hidayat Ki.

Share.

Leave A Reply