Bilawal Bhutto Zardari Aik Baar Phir Mamu Ban Gaye. Sabiq Sadar Asif Ali Zardari Aur Mohtarma Benazir Bhutto Ki Bari Beti Bakhtawar Bhutto Zardari Ke Ghar Dusray Betay Ki Pedaish Hui Hay. Nanhy Mehman Ki Aamad Ki Ittela Unhon Ne Social Media Per Di.

Instagram Aur Twitter Post Main Bakhtawar Ne Likha Ke Alhamdullihah Humen Dusrey Betay Ki Pedaish Ka Batatay Huye Khushi Ho Rahi Hay.

Wazir-e-Kharja Bilawal Bhutto Zardari Ne Dusri Baar Mamun Ban’nay Per Khushi Ka Izhar Kiya. Unhon Ne Twitter Per Apni Behn Ki Tweet Share Kar Ke Likha “Mamu 2.0”.

Dusri Baar Khala Ban’nay Wali Bakhtawar Bhutto Zardari Ne Bhi Insta Gram Per Behn Ki Story Ko Share Kiya.

Bakhtawar Bhutto Zardari Ki Shadi 31 January 2021 Ko Mahmood Chaudhry Ke Saath Hui Thi. 10 October 2021 Ko Un Ke Ghar Pehla Baita Hua Tha. Bakhtawar Bhutto Zardari Shadi Ke Baad Dubai Muntaqil Ho Gayi Theen. Unkay Ke Pehlay Betay Ki Pedaish Dubai Main Hui Thi. Pedaish Ke Aik Mahine Baad Unhon Ne Pehlay Betay Ki Tasveer Share Ki Thi Aur Bataya Tha Ke Us Ka Naam Mir Hakim Ali Zardari Rakha Gaya Hay.

Bakhtawar Ne Dusre Betay Ke Baray Main Bataya Hay Ke Us Ki Pedaish 05 October 2022 Ko Hui Hay, Lekin Unhon Ne Ye Wazeh Nahi Kiya Ke Wiladat Dubai Main Hui Hay Ya Kaheen Aur.

Share.

Leave A Reply