Wazir-e-Azam Shehbaz Sharif Ne Pakistan Ke Jauhri Asason Se Mutaliq American Sadar Joe Biden Kay Bayan Ko Gumrah Kun Qarar Detay Huye Mustard Kar Diya. Unhon Ne Kaha Ke Kisi Ko Shak Nahi Hona Chahiye Kay Pakistan Aik Zimmedar Atomic Taqat Hay.
Wazir-e-Azam House Se Jari Bayan Main Un Ka Kehna Tha Kay Pakistan Guzishta Dahaion Main Sabit Kar Chuka Hay Kay Wo Aik Intehai Zimmedar Nuclear Mulk Hay. Hamara Atomic Program Techincal Bunyadon Par Mazboot Aur Foolproof Command And Control Nizam Kay Zariye Chalaya Jata Hay.
Unhon Ne Kaha Ke Aalmi Aman Kay Liye Asal Khatra Badtareen Nasal Parasti, Khitay Main Ghair Qanuni Qabzay Kay Khilaf Jidojohd Karnay Walon Kay Insani Huqooq Ki Khilaf Warzi Aur Bain Ul Aqwami Aqdar ki Khilaf Warzi Karnay Wali Riyasaton Say Hay.
Twitter Per Jari Bayan Main Unhon Ne Likha Kay Humain Fakhar Hay Kay Hamaray Nuclear Assets IAEA Ke Matluba Hifazati Iqdamat Kay Mutabiq Hain. Hum In Hifazati Iqdamat Per Intehai Sanjeedgi Say Amal Kar Rahay Hain.