Wo Raj Ka Palat Palat Kehna Aur Simran Ka Palat Kay Daikhna, Wo Babu Jee Ka Kehna “Jaa Simran Jee Lay Apni Zindgai” Aur Phir Wo Chalti Train Ka Iconic Scene Koi Kaisay Bhol Sakta Hai.
Block Buster Film DDLJ ( Dilwale Dulhania Le Jayenge) Ko Aaj 27 Saal Hogaye . Shahrukh Khan Aur Kajol Ki Jodi Nay Wo Sehar Taari Kiya Kay Raaj Aur Simran Kay Kirdar Aaaj Bhi Zehno Main Naqsh Hain.
DDLJ Ka Song “Mehndi Laga Kay Rakhna” To Aaj Bhi Har Shadi Main Chalaya Jata Hai.
Film Main Raaj Aur Simran Ki Love Story Kay Ilawa “Babu Jee” Ka Role Bhi Iconic Tha Pori Film Main Sakht Geer Baap Bannay Walay Amrish Puri Ka Aakhri Dilogue To Khob Hit Howa “Jaa Simran Jaa Jee Lay Apni Zindagi”
DDLJ Ki Maqboliyat Ka Andaza Is Baat Say Lagayen Kay 1995 Say Abb Tak Mumbai Kay Maratha Mandir Cinema Main Is Film Ki Non Stop Numaish Jaari Hai. Bollywood Ki Saari Movies Aik Taraf Lekin Dilwale Ka Raaj Shayad Aglay 27 Saal Bhi Qayam Rahay.