Dunya Ki Bari Bari Tech Companies Har Saal America Kay Shehr Las Vegas Mein Jama Hoti Hain Aur CES (Consumer Electronics Show) Mein Pesh Karti Hain Apni Jadeed Tareen Aur Ajeeb Tareen Inventions, Yani Future Tech. Youn New Year Kay Liay Zabardast Products Samnay Aati Hain.

CES 2023 Sunday Ko Ye Khatam Hui Aur Sath Hi 2023 Ki Latest Aur Best Technologies Samnay Aa Chuki Hain. Aayen Mustaqbil Par Aik Nazar Daltay Hain:

Tablet Pe Tablet

Future Tech
(Photo: Lenovo)

CES Mein Lenovo Nay Apni Aik New Product Reveal Ki Hay, Jis Ka Naam Hay Yoga Book 9i. Is Par Reaction Zara Mila Jula Aaya Hay, Kyunke Ye Hay Kuch Ajeeb Si Cheez: 2 Tablets Mila Kar Banaya Gaya Laptop, Yani Jahan Aam Laptop Ka Keyboard Hota Hay, Wahan Is Ki 2nd Screen Hay.

Aap Is Yoga Book Ko Kai Tarah Say Isteymal Kar Sakain Gay; Aik Baray Tablet Kay Taur Par, Ya Aik Screen Ko Laptop Aur Dusri Ko Aik Separate Screen Bana Kar, Aur Jab Zarurat Na Ho To Fold Kar Kay Asani Say Carry Bhi Kar Sakain Gay.


Flying Car, Ab Haqeeqat

Future Tech
(Photo: Aska Fly)

1989 Mein Back To The Future Part II Aai Thi, Jis Mein 2015 Dikhaya Gaya Tha, Jis Mein Flying Cars Aam Urrti Nazar Aa Rahi Theen. Aaj 2023 Aa Chuka Hay Laikin Flying Cars Naami Koi Cheez Haqeeqat Ka Roop Nahi Lay Saki. Haan! Aska Fly Naami Aik Company Nay Real Flying Car Zarur Pesh Kardi Hay. Ye eVTOL Car Road Par Bhi Chal Sakti Hay Aur Aasman Par Urr Bhi Sakti Hay.

Khair,  CES Ki Dusri Cheezon Ki Tarah Ye Bhi Aik Concept Hi Hay. Filhaal Aska Is Kay Liay Certification Ka Intezar Kar Raha Hay. Jab Milay Gi, Tab Dekhain Gay.


Aik Jadeed Smartwatch

Future Tech
(Photo: Citizen)

Smartwatches Sirf Time Hi Nahi Batateen, Balke Aap Ko Aap Ki Health Kay Baray Mein Sub Details Deti Hain. Laikin Ab Smartwatch Aa Gai Hay Zara Next Level Par, Citizen Ki New CZ Smartwatch Aap Ka Fatigue Aur Alertness Level Tak Samajh Sakti Hay. Ye Sleeping Pattern, Heart Rate, Energy Level Aur Doosray Factors Ki Bunyad Par Aap Ki Feeling Bayan Kar Sakti Hay. Hay Na Kamaal!


3D, Ab Baghair Glasses Kay

Future Tech
(Photo: Asus)

Asus 3D Technology Ko Aik Naya Roop Day Raha Hay. Us Ka New Vivo Book Pro Laptop Lenticular Lenses Aur Advanced Ear Tracking Say Zabardast Realistic 3D Images Banata Hay. Ye Laptop Har Aankh Kay Liay Alag Images Render Karay Ga, Aur Sar Aur Aankhon Ki Position Ko Follow Kartay Huay Un Kay Mutabiq Adjust Hota Hay.

Glasses Kay Baghair 3D Kay Mazay Sun Kar To Buhat Acha Lag Raha Hay, Laikin Practically Ye Kitna Kaam Karay Ga? Ya Dekhna Baqi Hay.


Manual Labour Mein Inqilab

Future Tech
(Photo: German Bionics)

Sci-Fi Movies Ki Waja Say Aap Bhi Samajh Raha Hon Gay Ke Exo-Skeletons Aap Ko Superhero Bana Dain Gay Aur Aap Itnay Powerful Ho Jayen Gay Ke Khari Gaari Bhi Utha Kar Phenk Saktay Hain. Laikin Haqeeqat Ye Hay Ke Exo-Skeletons Aap Ko Sirf Manual Labour Yani Mazdoori Mein Hi Madad Dain Gay.

CES Mein German Bionics Nay Apnay Exo-Skeleton Ka Aik New Version Pesh Kia, Jis Ka Naam Hay Apogee. Ye Aik Lightweight Suit Hay Jo Aap Par Rakha Gaya Approx. 30 Kg Wazan Utha Sakta Hay. Hay To ye Buhat Kam, Laikin Phir Bhi Kuch Madad To Kar Sakta Hay.

Share.

Leave A Reply