Elon Musk Nay Twitter Ka Charge Sambhaltay Hi Baray Paimanay Per Tabdeliyan Shuru Kerdi Hain.
Twitter Ki Janib Say Bataya Gaya Hay Kay Friday Ko Dunya Bhar Main Maujoud Staff Ko Bataya Jaye Ga Kay Woh Job Per Rahain Gay Ya Unko Fariq Kerdia Jaye Ga.
Twitter Nay Internal Email Kay Zariye Employees Ko Agah Kerdiya Hay Yeh Job Per Ye Cut Idaray Ko Durust Simat Main Dalnay Ki Janib Qadam Hay.
Idaray Kay Dafatir Ko Temperory Toar Per Band Kernay Aur Badge Access Suspend Bhi Kiya Jasakta Hay.
Twitter Ki Taraf Say Remotely Kaam Kernay Ki Facility Ko Khatam Kerkai Employees Ko Office Anay Ka Kaha Gaya Hay.
Italaat Hain Kay Twitter Ki 8000 Jobs Main Say Half Employees Ko Nikala Jasakta Hay. Twitter Iss Waqt Munafa Nahi Bana Raha Hay. Iss Maslay Kay Haal Kay Liye Salaries Main Kami Bhi Ki Jasakti Hay.