Bangladesh India First ODI Mein Aik Taraf Aasman Say Batein Karta India Tha To Doosri Janib T20 World Cup Mein Buri Tarah Harnay Wala Bangladesh. Jis Kay Liay Target To Sirf 187 Tha, Laikin 136 Runs Par Hi 9 Out Ho Gaey, Aur Phir Hua Dhaka Ka Miracle.

India Tour of Bangladesh 2022 – 1st ODI

Bangladesh vs India

December 4, 2022

Shere Bangla National Stadium, Mirpur, Bangladesh

Result: Bangladesh 1 Wicket Say Jeet Gaya

Raftar Bharne Do IND186
KL Rahul73 (70)
Rohit Sharma27 (31)
BAN BowlingOMRW
Shakib Al Hasan102365
Ebadot Hossain8.20474
Raftar Bharne Do BAN(T:187)187-9
Litton Das41 (63)
Mehidy Hasan Miraz38* (39)
IND BowlingOMRW
Mohammed Siraj101323
Washington Sundar50172

Might Ki Haalat Tight

Bangladesh India First ODI Aik Low-Scoring Affair Tha, Jis Mein India Sirf 186 Runs Par All-Out Hua. Jee Haan! India Ki Mighty Batting Line Sakht Mushkil Mein Nazar Aai. Agar KL Rahul 73 Runs Na Banatay To Ye 100 Kay Qareeb Qareeb Hi Out Ho Jati. Jo Aik Aisi Batting Line Kay Liay Buhat Sharam Ki Baat Hoti Ke Jis Mein Jis Mein Rohit Sharma, Virat Kohli Aur Shikar Dhawan Bhi Shamil Thay. India ka Youn Collapse Ho Jana Surprising Tha, Laikin Asal Surprise To Abhi Aana Tha.

187 Runs Chase Kartay Huay Bangladesh Nay 128 Runs Tak Sirf 4 Wickets Di Theen. 91 Balls Par Sirf 59 Runs Required Thay, Jab Mahmudullah Out Ho Gaey Aur Phir ‘Tu Chal, Mein Aaya‘ Ho Gai.

Next 5 Overs Mein Mushfiqur Rahim, Afif Hossain, Ebadot Hossain Aur Hasa Mahmud Sab Apni Wickets Day Gaey. Aur 136 Tak 9 Out Ho Chukay Thay. Sab Samjhay Match Bus Khatam Ho Gaya. Laikin Mehidy Aur Mustafizur Bolay, NAHI!

Match Upside Down

Aik Aisay Match Mein Jis Mein India Jaisi Batting Line 4.50 Kay Run Rate Say Kheli, Aur Bangladesh Bhi Approx. Isi Rate Say Runs Bana Raha Tha, Wahan Par Last Man Standing Nay Kamal Kardia. Mehidy Aur Mustafizur Nay 8+ Kay Run Rate Say Zabardast Batting Ki. Especially Mehidy To Shandar Khelay. Kuldeep Sen Ko Aik Hi Over Mein 2 Sixes, Phir Deepak Chahar Ko 3 Fours, Yahan Tak Ke 46th Over Ki Last Ball Par Match Hi Khatam Kardia.

Isay Heist Kahain To Ghalat Nahi Hoga.

Waisay Shakib Al Hasan Aur Ebadot Hossain Ko Shabashi Bhi Banti Hay. Jinhon Nay Mil Kar 9 Indian Batsmen Shikar Kiay. Batting Kay Liay Aik Mushkil Wicket Par Unhon Nay India Ko Saans Tak Nahi Lainay Dia.

Phir Aik Haath Qismat Ka Bhi Tha. Jab Mehidy 15 Runs Par Khel Rahay Thay To KL Rahul Nay Un Ka Catch Drop Kardia. India Nay Runout Chances Bhi Zaya Kiay Aur Youn Bangladesh Ko Match Mein Wapis Aanay Ka Mauqa Dia.

Kya Is Initial Momentum Kay Baad Bangladesh 3 One Day Internationals Ki Series Jeet Bhi Paey Ga? Is Kay Liay Hamain Next Matches Dekhnay Parain Gay, Jo Budh Aur Haftay Kay Din Hon Gay.

Share.

Leave A Reply