Karachi 200+ Kar Kay Bhi Jeet Nahi Saka. IU v KK Match Mein Imad Wasim Ki Aik Aur Innings Gai Baykaar Aur Azam Khan Ka Chal Gaya Waar. Azam Nay 41 Balls Par 72 Runs Banaey Aur Islamabad United Ko Buhat Important Jeet Dila Di. Is Shikast Kay Sath Hi Karachi Kings Kay Playoffs Mein Puhanchnay Ka Chance Taqreeban Khatam Ho Chuka Hay. Lagta Hay Last Season Ki Tarah Kings Sub Say Pehlay Bahar Ho Jaey Ga.
Islamabad United 202 Runs Chase Kartay Huay 69 Runs Par Hi 3 Wickets Day Chuka Tha. Colin Munro, Alex Hales Aur Rassie Van Der Dussen Out Ho Gaey To Match Karachi Ki Grip Mein Tha. Tab Faheem Ashraf Aur Azam Khan Ki 69 Balls Par 124 Runs Ki Partnership Nay Apna Jadu Dikha Dia.
Pakistan Super League 2023
Islamabad United vs Karachi Kings
3 March 2023
Rawalpindi Cricket Stadium, Rawalpindi, Pakistan
Result: Islamabad 6 Wickets Say Jeet Gaya
| KK | 201-5 | |
|---|---|---|
| Imad Wasim | 92* (54) | |
| Irfan Niazi | 30 (20) |
| IU Bowling | O | M | R | W |
|---|---|---|---|---|
| Tom Curran | 4 | 0 | 43 | 2 |
| Faheem Ashraf | 3 | 0 | 35 | 1 |
| IU | (T:202) | 204-4 |
|---|---|---|
| Azam Khan | 72* (41) | |
| Faheem Ashraf | 41 (32) |
| KK Bowling | O | M | R | W |
|---|---|---|---|---|
| Mohammad Amir | 4 | 0 | 40 | 1 |
| Tabraiz Shamsi | 4 | 0 | 40 | 1 |
Toss Karachi Ney Jeeta Aur Sharjeel Khan Aur Andrew Tye Ko Khilaya. Haan! Chala Koi Bhi Nahi, Sharjeel 6 Balls Par Sirf 8 Runs Bana Kar Rumman Raees Ki Only Wicket Banay. 2 Aur Wickets Bhi Jald Hi Gir Gaeen. Adam Rossington 16 Balls 20 Aur Tayyab Tahir 8 Balls 19 Kay Sath Wapis Aaey.
Tab Powerplay Mein 61 Runs To Thay, Laikin 3 Wickets Bhi Ja Chuki Theen Aur Yaheen Par Aaey Imad Wasim.
Lone Warrior
Imad Wasim Aik Baar Phir Akailay Lartay Huay Nazar Aaey. Shoaib Malik 12 Runs Bana Kar Faheem Ashraf Kay Hathon Clean Bowled Huay To Irfan Niazi Nay Captain Ka Behtareen Saath Dia. Unhon Nay 20 Balls Par 30 Banaey. Aur Hasan Ali Ki Aik Zabardast Effort Ki Waja Say Out Huay.
Unfortunately, Imad Apni Hundred Complete Na Kar Sakay. Wo 54 Balls Par 92 Runs Kay Sath Not Out Maidan Say Wapis Aaey.
Ye Innings Karachi Ko Season Mein Pehli Baar 200+ Tak Lay Gai. Ye Is Season Mein Kings Ka Highest Total Tha. Lag Raha Tha Ke Jeet Kay Liay Kafi Hoga. Laikin Nahi!
Turning Point
202 Runs Chase Kartay Huay Islamabad United Ko Acha Start Mila. First 5 Overs Mein 55 Runs Banay, Laikin Powerplay Kay End Tak Alex Hales Bhi Out Ho Chukay Thay. Yahan Shadab Khan Nay Aisa Faisla Kia, Jo Ajeeb Lag Raha Tha Laikin Buhat Impactful Sabit Hua. Unhon Nay Faheem Ashraf Ko 2nd Down Bhej Dia. Ye Faisla To Turning Point Sabit Hua.
Faheem Aik End Par Aisay Jamay Ke Innings Ko Last Over Tak Unhain Ko Hata Nahi Saka. ‘Rana Sahib’ Nay 32 Balls Par 41 Runs Banaey Aur Tez Raftari Ka Kaam Kia Doosray End Par Kharay Azam Khan Nay.
Decisive Blows
Jab Match Last 6 Overs Mein Puhancha To Islamabad Ko 71 Runs Ki Zarurat Thi. Mushkil Zarur Tha Laikin Azam Khan Kharay Thay. Unhon Nay 41 Balls Par 4 Sixes Aur 8 Fours Kay Sath 72 Runs Banaey. Yahan Tak Ke Final Over Mein Asif Ali Nay Pehli 2 Balls Par Hi Six Aur Four Laga Kar Match Khatam Kardia.
Ye PSL History Ka 3rd Highest Successful Run Chase Tha. Aur Sath Hi Islamabad United Kay Hathon Karachi Ki 6th Consecutive Defeat Bhi.
Game Over for Karachi?
Is Kamyabi Kay Sath Islamabad Points Table Par Top 3 Mein Pakka Ho Gaya Hay. Jabke Karachi Ka Khel Samjhain Khatam Hay. Wo 8 Mein Say Sirf 2 Matches Jeeta Hay Aur Aakhri 2 Matches Mein Jeet Bhi Shayad Usay Next Round Tak Na Puhancha Sakay.
Pakistan Super League Points Table
3 Mar 2023
| M | W | L | PT | NRR | |
|---|---|---|---|---|---|
| 🟩 LQ | 6 | 5 | 1 | 10 | 1.367 |
| 🟦 MS | 6 | 4 | 2 | 8 | 0.844 |
| 🟥 IU | 6 | 4 | 2 | 8 | -0.184 |
| 🟨 PZ | 6 | 3 | 3 | 6 | -0.896 |
| 🟦 KK | 8 | 2 | 6 | 4 | 0.437 |
| 🟪 QG | 6 | 1 | 5 | 2 | -1.768 |