Toss Jeeta, Pehla Over Double Wicket Maiden Raha Aur Sirf 23 Runs Par Quetta Gladiators Ki 4 Wickets Bhi Lay Leen Laikin Phir Bhi Karachi Kings KK vs QG Match Jeet Nahi Saka. Kyun? Quetta Kay Martin Guptill Ki Zabardast Hundred Aur Phir Naseem Shah Aur Mohammad Hasnain Ki Perfect Bowling Ki Waja Say.
Pakistan Super League 2023
Karachi Kings vs Quetta Gladiators
18 February 2023
National Stadium, Karachi, Pakistan
Result: Quetta 6 Runs Say Jeet Gaya
| 🟪 QG | 168-7 | |
|---|---|---|
| Martin Guptill | 117 (67) | |
| Iftikhar Ahmed | 32 (27) |
| KK Bowling | O | M | R | W |
|---|---|---|---|---|
| Imad Wasim | 4 | 1 | 16 | 3 |
| Aamer Yamin | 4 | 0 | 37 | 3 |
| 🟦 KK | (T:169) | 162-5 |
|---|---|---|
| Shoaib Malik | 71 (49) | |
| Irfan Khan | 37 (26) |
| QG Bowling | O | M | R | W |
|---|---|---|---|---|
| Mohamad Hasnain | 4 | 0 | 29 | 2 |
| Naseem Shah | 4 | 0 | 29 | 1 |
Match Kay Hero Thay New Zealand Kay Martin Guptill, Jinhon Nay Buhat Nazuk Circumstances Mein Batting Ki. Jab Doosray End Say 4 Wickets Gir Chuki Theen, Tab Unhon Nay Aik End Sanbhala Aur Phir Akhir Mein Kamal Kardia. Un Ki 67 Balls Par 117 Runs Ki Innings Quetta Ko 168 Runs Tak Puhancha Gai.
Moment of Brillance
Guptill Nay PSL 8 Ki First Century Banai Aur Un Ki Innings Ka Moment Of BrillianceTha 19th Over, Jo Andrew Tye Nay Phenka. Us Mein Unhon Nay 3 Sixes Aur 3 Fours Lagaey, Aur 30 Runs Lootay. Last 3 Overs Mein 54 Runs Lootnay Say Match Ka Naqsha Hi Badal Gaya.
Andrew Tye Ko Death Overs Specialist Bowler Samjha Jata Hay, Laikin Guptill Nay Unhain Urra Kar Rakh Dia. Afsos Ki Baat Dekhain Ke Jab Guptill 61 Runs Par Thay To Un Ki Ball Par Sharjeel Nay Un Ka Catch Drop Kardia Tha. Ye Drop Baad Mein Karachi Ko Buhat Mehnga Para.
Guptill Ka Lion's Share
Quetta Kay Runs Mein Guptill Ka Lion’s Share Tha. Total 168 Mein Say 117 Runs Un Kay Thay. 6 Extras Minus Kardain To Baqi Sab Batsmen Sirf 45 Runs Bana Kar Gaey. Iftikhar Ahmed Nay 32 Runs Banaey, Koi Doosra To Double Figures Mein Bhi Nahi Gaya. Yani Ye Guptill Ka Show Tha.
Starting with Collapse
Sharjeel Khan Nay Jahan Fielding Mein Bari Mistake Ki, Waheen Batting Mein Bhi 0 Par Out Huay. Yahi Nahi Karachi Ko Powerplay Mein 2 Aur Nuqsan Huay. Haider Ali Bhi 0 Par Gaey, Phir James Vince Kuch Achay Shots Khelnay Kay Baad Naseem Shah Ki Khoobsurat Ball Par Clean Bowled Ho Gaey.
11 Overs Mein Karachi 76 Runs Par 5 Par Khara Tha. Yani Muqablay Ki Daur Say Bahar.
Yahan Shoaib Malik Aur Irfan Khan Nay Achi Koshish Ki Aur Match Ko Last Over Tak Lay Gaey. Irfan Nay 26 Balls Par 3 Sixes Aur 1 Four Ki Madad Say 37 Runs Banaey, Jabke Shoaib Malik 49 Balls Par 71 Runs Kay Sath Not Out Aaey, Laikin Jitwa Donon Nahi Sakay.
Youn Karachi Aik Aur Match Haar Gaya. Last Season 10 Mein Say 9 Match Harnay Walay Kings Nay Is Season Ka Start Bhi Consecutive 3 Defeats Kay Sath Kia Hay. Ab To Un Ka Next Match Bhi Arch-Rival Lahore Say Hay. Kya Karachi Itnay Baray Muqablay Kay Liay Tayar Hay? Ye Million Dollars Ka Sawal Hay.
Pakistan Super League Points Table
18 February 2023
| M | W | L | PT | NRR | |
|---|---|---|---|---|---|
| 🟦 MS | 3 | 2 | 1 | 4 | 1.936 |
| 🟥 IU | 1 | 1 | 0 | 2 | 1.059 |
| 🟩 LQ | 1 | 1 | 0 | 2 | 0.050 |
| 🟪 QG | 2 | 1 | 1 | 2 | -1.199 |
| 🟨 PZ | 2 | 1 | 1 | 2 | -1.350 |
| 🟦 KK | 3 | 0 | 3 | 0 | -0.476 |