Aik Aisa Match Jis Ki Prediction Karna Sab Say Zyada Mushkil Tha, Usay Multan Sultans Nay One-Sided Affair Bana Dia. MS v IU Muqablay Mein Rilee Rossouw, Mohammad Rizwan Aur David Miller Ki Powerful Batting Kay Baad Kieron Pollard Kay Zabardast Finish Nay Sultans Ko Aisay Total Tak Puhancha Dia Jo Islamabad Ki Reach Say Buhat Door Sabit Hua.
Pakistan Super League 2023
Multan Sultans vs Islamabad United
19 February 2023
Multan Cricket Stadium, Multan, Pakistan
Result: Multan 52 Runs Say Jeet Gaya
| 🟦 MS | 190-4 | |
|---|---|---|
| David Miller | 52 (25) | |
| Mohammad Rizwan | 50 (38) |
| IU Bowling | O | M | R | W |
|---|---|---|---|---|
| Rumman Raees | 3 | 0 | 25 | 1 |
| Tom Curran | 4 | 0 | 32 | 1 |
| 🟥 IU | (T:191) | 138 |
|---|---|---|
| Rassie van der Dussen | 49 (32) | |
| Hassan Nawaz | 21 (16) |
| MS Bowling | O | M | R | W |
|---|---|---|---|---|
| Abbas Afridi | 3 | 0 | 22 | 4 |
| Ihsanullah | 3.5 | 0 | 19 | 2 |
‘Sherus’ Ko Sirf 138 Runs Par All Out Karnay Mein Bara Hath Tha Abbas Afridi Ka, Laikin Usama Mir Kay Game Changing Over Nay Bhi Important Role Play Kia Jinhon Nay Middle Of The Inning Aik Hi Over Mein Colin Munro Aur Shadab Khan Ko Thikanay Lagaya Tha.
Sath Hi Multan Nay Fielding Mein Bhi Full Effort Dikhai, Abbas Afridi Ka Apni Hi Ball Par Catch Aur Akhir Mein Mohammad Rizwan Aik Baar Phir Superman Bangaey. Aur Ye All Round Performance Reason Thi Kay “Mighty” Islamabad United Kuch Nahi Kar Saka.
R+R
Isay Multan Ki Goodluck Kahain Ya Kuch Aur Ke Aik Baar Phir Shan Masood Jald Hi Out Ho Gaey. Us Kay Baad Captain Mohammad Rizwan Nay Man-In-Form Rilee Rossouw Kay Sath Mil Kar 91 Runs Ki Partnership Ki. Rossouw Nay 30 Balls Par 36 Runs Banaey Aur Rizwan 38 Balls Par Fifty Bana Kar Wapis Aa Gaey. Donon Nay Team Ko Wo Bunyad Day Di Jis Par Wo Aik Baray Total Ki Taraf Ja Sakti Thi Aur Ye Kaam Kia David ‘The Killer’ Miller Aur Modern ‘KP’ Kieron Pollard Nay.
Shifting Gears
15 Over Main Multan Kay 126 Runs Thay Aur Yahan Par Miller Aur KP Nay Gear Shift Kardia. Unhon Nay Shadab Khan Ko Aik Hi Over Mein 3 Sixes Aur Aik Four Lagaya Aur 24 Runs Loot Kar Innings Next Phase Mein Puhancha Di.
Miller Sirf 25 Balls Par 52 Runs Bana Kar Last Over Mein Out Huay. Jis Kay Baad Pollard Nay Last 3 Balls Par Consecutive Fours Laga Kar Innings Finish Kardi. Wo 21 Balls Par 32 Runs Kay Sath Not Out Wapis Aaey.
Last 5 Over Mein Multan Nay 64 Runs Ka Izafa Kia Aur Score Puhanch Gaya 190 Par.
Islamabad Ka Chase
191 Runs Chase Kartay Huay Islamabad Ko Andaza Tha Ke Unhain Buhat Tez Khelna Paray Ga. Isi Koshish Mein First 4 Overs Mein 2 Wickets Day Deen. Openers Paul Stirling Aur Hassan Nawaz Donon Mohammad Ilyas Ko Wicket Day Gaey. Jis Kay Baad Colin Munro Aur Rassie Van Der Dussen Nay Innings Ko Sanbhala. Donon Nay 10 Overs Tak Aur Koi Wicket Girnay Di Aur Score Ko Bhi 88 Runs Tak Puhancha Dia. Aur Yaheen Aaya Game Changing Moment.
Ball Of The Tournament?
11th Over Kia Usama Mir Nay, Jinhon Nay Pehlay Aik Kamal Googly Par Munro Ko Out Kia Aur Usi Over Ki Last Ball Par Captain Shadab Khan Ko Bhi Pavilion Bhej Dia. Ye Aik Over Tha Jo Momentum Islamabad Say Multan Kay Haq Mein Lay Gaya Aur Phir United Aik Lamhay Kay Liay Bhi Match Mein Wapis Nahi Aa Saka.
Another Afridi!
Abbas Afridi Nay Islamabad Kay Middle Aur Lower Middle Order Ko Urra Kar Rakh Dia. Unhon Nay Khatarnaak Azam Khan Ko Clean Bowled Kia. Next Over Mein Afridi Nay Fifty Ki Janib Jatay Van Der Dusse, Faheem Ashraf Aur Mohammad Wasim Ko Bhi Out Kar Dia. Faheem Ashraf Ka Jo Catch Abbas Nay Apni Ball Par Khud Lia, Wo Dekhnay Laiq Tha.
18th Over Mein Ihsanullah Nay Baqi 2 Wickets Kharka Kar Match Hi Khatam Kardia.
Aik Decisive Factor
Multan Ki Is Kamyabi Mein Aik Decisive Factor Fielding Bhi Rahi. Jis Tarah Sab Player Field Mein Jaan Martay Nazar Aaey, Us Ka Buhat Important Role Tha. David Miller Ki Boundary Line Par Kamal Fielding, Abbas Afridi Ka Screamer Aur Rizwan To Hain Hi Hamary Superman. Aur Aisa Sirf Is Match Mein Hi Nahi Hua, Sultans Ki Fielding Pichlay Matches Mein Bhi Exceptional Nazar Aai.
Ab Points Table Par Multan Sultans Ki Position Aur Mazboot Hogai Hay. Opening Match Harnay Kay Baad 3 Matches Baray Margins Say Jeetnay Kay Baad Lagta Hay Top Position Unhi Ko Milay Gi. Khair, Abhi To Multan Kay Home Matches Chal Rahay Hain, Dekhtay Hain Away Matches Mein Sultans Kya Karnamay Dikhatay Hain.
Pakistan Super League Points Table
19 February 2023
| M | W | L | PT | NRR | |
|---|---|---|---|---|---|
| 🟦 MS | 4 | 3 | 1 | 6 | 2.107 |
| 🟩 LQ | 1 | 1 | 0 | 2 | 0.050 |
| 🟥 IU | 2 | 1 | 1 | 2 | -0.832 |
| 🟪 QG | 2 | 1 | 1 | 2 | -1.199 |
| 🟨 PZ | 2 | 1 | 1 | 2 | -1.350 |
| 🟦 KK | 3 | 0 | 3 | 0 | -0.476 |