Rilee Rossouw 78* Tak Gaey, Imad Wasim To 80* Bana Gaey Aur Tom Kohler-Cadmore 92 Runs Tak Puhanchay Laikin Hundred Koi Nahi Bana Saka. Ye ‘Aizaz’ Mila Sab Say Pehlay KK v QG Match Mein Martin Guptill Ko. Jinhon Nay PSL 8 Ki Pehli Century Bana Dali Hay. Wo Bhi Aisay Waqt Mein Jab Quetta Ko Sakht Zarurat Thi. Isi Liay Isay “PSL History Ki Best Innings” Mein Say Aik Samjha Ja Raha Hay.
National Stadium Mein Khelay Gaey Match Mein Gladiators Sirf 23 Runs Par 4 Wickets Kho Chukay Thay. Lagta Tha Quetta Ab Uth Nahi Paey Ga. Yahan Guptill Nay Aik End Sanbhala, Pehlay Zara Cautious Khelay, 44 Balls Par Fifty Complete Ki. Phir Akhir Mein KK Bowlers Kay Chhakkay Chhura Diay. Fifty Kay Baad Sirf 18 Balls Use Kartay Huay Hundred Tak Puhanch Gaey.
Innings Kay Most Important 19th Over Mein Guptill Nay Andrew Tye Ko 3 Sixes Aur 3 Fours Laga Kar 30 Runs Lootay, Aur PSL 8 Ki First Hundred Bana Li.
Ye PSL History Ki 14th Hundred Thi, Jo 11 Players Nay Banai Hain. Kamran Akmal Nay 3 Aur Sharjeel Khan Nay PSL Mein 2 Hundreds Bana Rakhi Hain.
Sharjeel Nay PSL Kay First Season Mein Hi Ye Karnama Kar Dikhaya Tha. Islamabad United Ki Taraf Say Kheltay Huay Unhon Nay Peshawar Zalmi Kay Against 62 Balls Par 117 Runs Banaey Thay. Next Donon Seasons Mein 1,1 Hundred Bani Aur Donon Peshawar Zalmi Kay Kamran Akmal Nay Keen. 2019 Aur 2021 Kay Seasons Mein 2,2 Aur 2020 Aur Last Year 3,3 Centuries Baneen. 2022 Mein Fakhar Zaman, Jason Roy Aur Harry Brook Ki Zabardast Innings Shamil Theen.
Sab Say Bari Innings
PSL History Ki Biggest Innings Karachi Kings Kay Colin Ingram Nay 2019 Mein Quetta Gladiators Kay Against Kheli Thi. Unoh Nay 59 Balls Par 127* Banaey Thay, Jis Mein 8 Sixes Aur 12 Fours Shamil Thay.
Mazay Ki Baat Ye Hay Ke Sub Winning Hundreds Theen, Siwaey Sharjeel Khan Ki 2nd Century Kay. 2021 Mein Karachi Kings Ki Taraf Say Kheltay Huay Unhon Nay Apni Purani Team Islamabad United Kay Khilaf 59 Balls Par 105 Runs Banaey Thay, Laikin Karachi Phir Bhi 196 Runs Defend Nahi Kar Saka.
PSL Mein Ab Tak Ban'nay Wali Hundreds Ki List Ye Hay.
Hundreds in PSL
| Runs | Balls | vs | Venue | Date | Result | |
|---|---|---|---|---|---|---|
| 🟥 Sharjeel Khan (IU) | 117 | 62 | PZ | Dubai | 21 Feb '16 | Won |
| 🟨 Kamran Akmal (PZ) | 104 | 65 | KK | Dubai | 3 Mar '17 | Won |
| 🟨 Kamran Akmal (PZ) | 107* | 61 | LQ | Sharjah | 16 Mar '18 | Won |
| 🟦 Colin Ingram (KK) | 127* | 59 | QG | Sharjah | 24 Feb '19 | Won |
| 🟥 Cameron Delport (IU) | 117* | 60 | LQ | Karachi | 9 Mar '19 | Won |
| 🟨 Kamran Akmal (PZ) | 101 | 55 | QG | Karachi | 21 Feb '20 | Won |
| 🟦 Rilee Rossouw (MS) | 100* | 44 | QG | Multan | 29 Feb '20 | Won |
| 🟩 Chris Lynn (LQ) | 113* | 55 | MS | Lahore | 15 Mar '20 | Won |
| 🟦 Sharjeel Khan (KK) | 105 | 59 | IU | Karachi | 24 Feb '21 | Lost |
| 🟥 Usman Khawaja (IU) | 105* | 56 | PZ | Abu Dhabi | 17 Jun '21 | Won |
| 🟩 Fakhar Zaman (LQ) | 106 | 60 | KK | Karachi | 30 Jan '22 | Won |
| 🟪 Jason Roy (QG) | 116 | 57 | LQ | Karachi | 7 Feb '22 | Won |
| 🟩 Harry Brook (LQ) | 102* | 49 | IU | Lahore | 19 Feb '22 | Won |
| 🟪 Martin Guptill (QG) | 117 | 67 | KK | Karachi | 18 Feb '23 | Won |