Lo Bhai, Bus Yahi Kami Reh Gai Thi. Multan Sultans Waisay Hi Aik ‘Homeopathic’ Bowling Attack Kay Sath Khel Rahay Thay, Ooper Say Shahnawaz Dahani Bhi Zakhmi Ho Gaey.
Sultans Kay Strike Bowler PSL 8 Kay Opening Match Mein Hi Injured Ho Gaey. Fielding Mein Aik Shot Roktay Huay Un Kay Right Hand Ki Little Finger Mein Fracture Ho Gaya Hay. Ab Surgery Hogi Aur Shahnawaz At Least 2 Months Kay Liay Bahar Ho Gaey Hain.
Ab Multan Ka Kya Hoga?
Multan Sultans Nay Abhi Tak Kisi Replacement Ka Ailan To Nahi Kia Gaya, Laikin Backup Mein Anwar Ali Zaroor Maujood Hain. Laikin Sawal Ye Hay Ke 35 Years Kay Anwar Ali Up To The Mark Hain? Ye Dekhna Paray Ga.
Waisay Pehlay Match Mein Dahani Kay Sath Sameen Gul Aur Ihsanullah Khelay Thay. Haan! Wayne Parnell Aur Josh Little Nay Abhi Team Join Nahi Ki, Yani Multan Kay Paas Reserves To Hain.
Ye Baat To Tay Hay Ke Shahnawaz Dahani Ka Zakhmi Hona Multan Ko Buhat Mehnga Paray Ga. ‘Larkana Express’ Nay 2021 Mein PSL Debut Kia Tha Aur Aatay Hi Chha Gaey Thay. Unhon Nay First Season Hi Mein 20 Wickets Leen. Aur Multan Kay Title Jeetnay Mein Crucial Role Play Kia.
Is Liay Hum Keh Saktay Hain Ke Consecutive 2 Finals Khelnay Walay Multan Ko Bara Dhachka Puhancha Hay. Laikin Hum Bhi Un Ki Celebrations Buhat Miss Karain Gay.