Babar Azam Ko Kaun Nahi Janta? Sirf Pakistan Mein Hi Nahi Wo To Ab Dunya Bhar Mein Famous Hain. Yahi Waja Hay Ke Wo Pakistan Mein Sab Say Zyada Kamanay Walay Sportsman Hain. Aik Andazay Kay Mutabiq Babar Ki Net Worth Approx. 5 Million US Dollars Hay. Pak Rupees Mein Convert Karain To Ye 1.14 Billion Rupees Bantay Hain.

Laikin Sawal Ye Hay Ke Babar Kay Baad Kis Ka Naam Aata Hay? Kaun Hay Jo Sub Say Zyada Kamata Hay? Jawab Hay Sumail Hassan. Naam Nahi Suna Na? Sumail Na Cricketer Hain, Na Hi Wo Hockey Ya Football Player Hain, Tennis Bhi Nahi Kheltay Balke Un Ka To Kisi Outdoor Sport Say Koi Ta’luq Hi Nahi. Wo Hain Aik Esport Player, Aam Zaban Mein Bolain To Wo Video Games Kheltay Hain.

Babar Azam Sumail Hassan

Sumail Champion Hain DOTA 2 Game Kay. Jis Mein Wo 2016 Say Ab Tak 3.8 Million USD Kama Chukay Hain, Yani Taqreeban 87 Crore PKR. Wo Kuch Hi Arsay Mein Arab Pati Ban Saktay Hain.

Sumail Ka Ta’luq Karachi Say Hay, Laikin Ab Wo America Mein Rehtay Hain. Un Ki Umar Sirf 23 Saal Hay. Kya Pata Kuch Hi Arsay Mein Wo Babar Ko Bhi Peechay Chhor Dain, Aur Sub Say Ameer Pakistani Sportsman Ban Jayen? Aap Kya Kehtay Hain?

Share.

Leave A Reply