Pakistan 2021 Mein Jeeta Hua Semi Final Hara Aur 2022 Mein Final Tak Puhanch Kar Bhi Shikast Hi Mili. Kya 2024 T20 World Cup Mein Pakistan Next Step Uthaey Ga Aur Final Jeetay Ga? Ye Aanay Wala Waqt Bataey Ga.
Is Next World Cup Ki Tayarian Abhi Say Shuroo Ho Chuki Hain. International Cricket Council (ICC) Nay 2024 T20 World Cup Kay Format Main Hi Tabdeeli Kardi Hay. June 2024 Say West Indies Aur United States Mein Honay Walay Is Event Mein 20 Teams Khelain Gi. Jee Haan! Poori 20.
In Teams Ko 5,5 Kay 4 Groups Mein Taqseem Kia Jaey Ga. Har Group Say Top 2 Teams ‘Super 8’ Phase Mein Jaen Gi. Is Round Mein Bhi Teams Ko 2 Groups Mein Divide Ki Jaey Ga. Yahan Har Group Ki Top 2 Teams Semi-Final Khelain Gi. Jinhain Jeetnay Walay Final Mein Aamnay Samnay Hon Gay.
T20 World Cup Kay Last 2 Editions Mein First Round 4,4 Kay 2 Groups Par Musthamil Tha, Jin Mein Wo Teams Khelti Theen Jo Tournament Kay Main Round Kay Liay Direct Qualify Nahi Kar Pai Theen. In Groups Ki Top 2 Teams Ka Muqabla Phir Super 12 Stage Tournament Ki Top 8 Teams Say Hota Tha.
Laikin Ab Aisa Nahi Hoga. Aglay World Cup Mein West Indies Aur USA To Mezban Ki Haisiyat Say Hon Gay Hi. Phir England, Pakistan, India, New Zealand, Australia, Sri Lanka, South Africa Aur Netherlands Ki Teams Hon Gi Jo T20 World Cup 2022 Mein Top 8 Positions Par Rahi Theen. ICCT20 Rankings Mein 2 Next Best Teams Afghanistan Aur Bangladesh Ka Slot Bhi Pakka Hay.
T20 World Cup 2024
Direct Qualify Karnay Wali Teams
 England |  South Africa |
 Pakistan |  Netherlands |
 India |  Afghanistan |
 New Zealand |  Bangladesh |
 Australia |  West Indies |
 Sri Lanka |  United States |
T20 World Cup 2024 Kay Liay Baqi 8 Teams Ka Faisla Regional Qualifiers Karain Gay.