Fast Bowler Hasan Ali Chahay Aap Ko Kitney Bhi Buray Lagain, Laikin Wo Buhat Barri Following Rakhtay Hain, Especially Twitter Par, Jahan Un Kay Followers Ki Tadaad 2 Million Ka Number Cross Kar Chuki Hay.

Kia Ye Kisi Bhi Pakistani Current Cricketer Kay Sub Say Ziada Followers Hain? Bilkul Nahi! To Sub Say Ziada Twitter Followers Kis Pakistani Player Kay Hain? Aap Ka Jawab Bilkul Theek Hay, Apnay Captain Babar Azam Kay.

Babar-E-Azam Kay Twitter Par 3.9 Million Yani 39 Lakh Followers Hain, Jo Mojooda Cricketers Main Sub Say Ziada Hain.

Ex-Captain Shoaib Malik Ki Umar To 40 Saal Say Ziada Hay, Laikin Wo Abhi Tak Retire Nahi Huay, Is Liay Wo Bhi Current Cricketers Hi Main Count Hon Gay. Un Kay Followers Ki Tadaad Bhi Buhat Hay. Aakhir ‘Damad-e-Hind’ Jo Hain. Twitter Par Malik Sahib Ko 36 Lakh Users Follow Kartay Hain.

Surprisingly, Current Cricketers Main Ziada Following Un Ki Hay Jo Team Main Hi Nahi Hain. Mohammad Amir Hi Ko Lay Lain. Twitter Par Amir Kay 34 Lakh Say Bhi Ziada Followers Rakhtay Hain. Phir Wahab Riaz Kay 27 Lakh Aur Imad Wasim Kay Bhi 24 Lakh Say Ziada Followers Hain.

Agar Past Kay Legendary Players Ko Bhi Shamil Karain To Sub Say Ziada Twitter Followers Kis Kay Ho Saktay Hain? Jee Haan Khan-E-Azam Imran Khan Kay. Un Ka Twitter Followers Count To 18 Million Tak Puhanchnay Wala Hay, Yani Ponay 2 Crore Say Bhi Ziada Followers.

Phir Wasim Akram Kay Followers Bhi Buhat Hain, 60 Lakh Say Bhi Ziada. In Kay Ilawa Shoiab Akhtar Kay 53 Lakh, Mohammad Hafeez Kay 37 Lakh Aur Waqar Younis Kay 21 Lakh Followers Hain.

To Apnay ‘Lala’ Kahan Hain? Aap Ko Hairat Hogi Kay Shahid Khan Afridi Kay Followers In Sub Say Kam Hain, Sirf aur Sirf 17 Lakh. Yani Hasan Ali Balkay Ex-Captain Sarfraz Ahmed Say Bhi Kam. Laikin Kiun? Kia Aap Hamain Bata Saktay Hain?

Share.

Leave A Reply