Alvida Jumbo Jet! Aviation History Ka Aik Chapter Band Hogaya, Ab Koi Naya Boeing 747 Plane Nahi Banay Ga. Aakhri B747 Aik American Cargo Airline Kay Liay Banaya Gaya Tha, Jo Us Kay Hawalay Kerdia Gaya Hay. Boeing 747 Nay Air Travel Ko Revolutionized Kia, Usay Urooj Par Puhanchaya. Yahi Waja Hay Ke Last B747 Ki Production Complete Honay Kay Baad Pehli Flight Ko Dekhnay Kay Liye Hazaroon Log Maujood Thay.

Ye Jahaz Atlas Air Kay Liay Banaya Gaya Hay, Jis Nay 2 Saal Pehle 4 Boeing 747-8 Freighters Ka Order Diya Tha. Unko 3 Planes Pehlay Mil Gaey Thay Aur Ab Yeh Last Plane Bhi Company Ko Deliver Kar Diya Gaya Hay. Ab Atlas Air Kay Fleet Mein B747 Planes Ki Ta'daad 56 Ho Gai Hay.

Is Last Delivery Flight Main Plane Crew Nay Aik Special Flight Path Draw Kiya. Iss Doran Fiza Main 747 Draw Kiya Gaya. Iss Say Pehlay Plane Ko Boeing Company Kay Workers Nay Bhi “Final Goodbye” Kaha.

“Queen Of The Skies” Kaay Naam Say Mash'hoor Iss Plane Ko Dunya Bhar Main Jana Jata Jana Pehchana Jata Hay. Iss Ki Production 50 Years Say Chal Rahi Thi, Laikin Aab Kam Less Fuel Consumption Walay Planes Tayar Kiye Ja Rahay Hain, Yani Jumbo Jet Ka Daur Khatam Hua.

Final Flight Kay Waqt Jahan Hazaron Log Maujod Thay, Waheen Famous Actor John Travolta Bhi Aaey Thay. Travolta Aik Aviation Expert Aur Private Pilot Bhi Hain, Balke Unhain B747-400 Fly Kernay Ka Experience Bhi Hay.

Boeing Kay Karnamay

Boeing Nay 54 Years Main 100 Say Ziada Governments Aur Airlines Kay Liye 1,547 Planes Bana Ker Diye. In Planes Nain 11 Crore 80 Lakh Hours Tak Fly Kia. Boeing 747 Ab To Mainly Cargo Kay Liye Use Hotay Hain, Laikin Pehlay Ye Most Famous Passenger Airliners Thay. Aik B747 Main 500 Musafir Tak Safar Kar Saktay Thay.

Laikin Sab Say Famous B747 Tha US President Ka Air Force One. Waisay To Har Us Plane Ko Air Force One Kaha Jata Hay Jis Mein US President Maujood Ho, Laikin Un Ka Official Plane Kai Decades Say B747 Hi Hay.

Pakistan Aur Boeing 747

Pakistan international airlines nay apni history mein 15 B747 Operate kiay, jin mein say pehla 1976 mein aanay wala B747-200 tha. pakistan nay 2015 mein apna pehla B747 retire kia, aur phir aahista aahista retire ho gaey.

Boeing 747
شیئر

جواب لکھیں