Japan Ka Capital Tokyo Hay, Jis Ki Population Hay 13.96 Million, Yani 1 Crore 39 Lakh 60 Hazar. Tokyo Ka Shumar Dunya Kay Most Populated Cities Main Hota Hay Aur Yahi Waja Hay Kay Yahan Traffic Jam Aam Si Baat Hay. Yahi Waja Hay Kay Ab Japanese Government Nay Tokyo Main Rehnay Wali Families Say Request Ki Hai Kay Ager Woh City Say Bahar Shift Ho Jayen Tou Unhain 10 Lakh Yen Milain Gae. Is Ka Matlab Hay Tokyo Chournay Per, Per Person 10 Lakh Yen Ada Kiye Jaein Gae.
Japanese Government Nay Ye Qadam Tokyo Kay Population Burden Ko Kam Karnay Kay Liay Uthaya Hay. Isi Liay Logon Ko Dosray Cities Ki Taraf Move Honay Ki Advice Di Ja Rahi Hai. Government Already Un Families Ko Support Ker Rahi Hay Jo Apnay Bachon Ko Dosray Ilaqon Main Bhijwa Rahi Hain. Inn Families Ko Per Child 3 Lakh Yen Diye Jatay Hain.
Barhti Abadi Ka Hal
Mulk Main Tokyo Kay Ilawa Doosray Metropolitan Areas Ki Population Bhi Barh Rahi Hay. Authorities Chahti Hain Kay Ab Birth Rates Improve Kernay Aur Aging Populations Ko Diversify Kernay Kay Liye Rural Areas Ki Taraf Move Kiya Jaei.
Yeh Bataya Gaya Hay Kay Tokyo Kay 23 Regions Main Rehnay Walay Iss Relocation Amount Kay Liye Eligible Hongae. Iss Financial Support Kay Liay Fiscal Year 2023 Main Special Grant Rakhi Gae Hay.
Statistics Bureau Of Japan Nay Bataya Hay Kay 2021 Main Japan Ki Total Population Main 28.9% Logon Ki Age 65 Years Thei. Isi Saal 14.78 Million Logon Ki Age 0 Say 14 Saal Thei. Yeh Count Total Population Ka 11.8% Tha.
Inam Aisay Hi Nahi Milay Ga
Acha! Eham Baat Yeh Hay Kay Jin Areas Aur Region Main Yeh Loog Move Kiye Jaein Gae Wahan Un Ko At Least 5 Years Rehna Hoga Aur Job Kerna Hogi. Aisa Na Kernay Ki Surat Main Unhay Milnay Wala Amount Wapis Kerna Hoga.
Japan Ko Most Literate And Technically Advanced Nations Main Se Aik Qarar Diya Jata Hay. Yahan Ki Economy Dunya Main 3rd Number Per Hay. Japan Electronic Equipment, Motor Vehicles Aur Steel Ke Largest Producers Main Shamil Hay. Japan 2021 Main Most Powerful Countries Ki List Main 6th Place Per Tha, Laikin 2022 Japan Ke Rank Main Kami Hui Hay.