Bitcoin Aur Ethereum Se Le Kar Dogecoin Aur Tether Tak Is Waqt Dunya Main Hazaron Different Cryptocurrencies Hain. Tou Agar Kisi Ko Cryptocurrency Main Invest Karna Ho Tou Us Ke Liye Selection Mushkil Ho Jati Hay. Aisay Afrad Ki Asani Ke Liye Hum Ne Market Capitalization Ya Circulated Coins Ke Lehaz Se 2022 Ki Top 10 Cryptocurrencies Ki List Banai Hay.

Cryptocurrencies Hoti Kiya Hain?

Cryptocurrency Aik Aisa Digital Asset Hay Jo Kisi Bank Ya Government Ki Central Authority Ke Bagahir Circulate Karta Hay. Ab Tak Dunya Main Cryptocurrency Ke 21,881 Projects Chal Rahay Hain Aur In Ki Total Market Value $833 Billion Hay.

1. Bitcoin (BTC)

  • Market Cap: $315.4 Billion

2009 Main Satoshi Nakamoto Ki Janib Se Banaye Gaye Bitcoin (BTC) Ko Dunya Ki Sab Se Pehli Cryptocurrency Honay Ka Aizaz Hasil Hay. Zyada Tar Cryptocurrencies Ki Tarah BTC Blockchain Ya Ledger Logging Transactions Per Run Karta Hay Jo Hazaron Computers Ke Network Per Distribute Hota Hay. Distributed Ledger Main Kisi Addition Ko Cryptographic Puzzle Solve Kar Kay Verify Kiya Jata Hay. Ye Process Proof Of Work Kehlata Hay. Is Tariqay Se Bitcoin Ko Fraudiyon Se Safe And Secure Rakha Jata Hay.

 Bitcoin Ki Popularity Barhi Tou Is Ki Qeemat Aasman Ko Chhonay Lagi Thi. May 2016 Main Bitcoin $500 Main Mil Jata Tha. November 2021 Main Ye $69,000 Ke All Time High Tak Pohnca Us Ke Baad Neechay Aana Shuru Hua. Aaj Kal Aik Bitcoin Aound $16,500 Ka Mil Raha Hay. Yani 2016 Ke Muqblay Main 3,182% Growth Hui Hay.

2. Ethereum (ETH)

  • Market Cap: $147.9 Billion

Cryptocurrency Aur Blockchain Platform Dono lehaz se  Ethereum Program Developers Ka Favorite Hay Kyunke Is Ko Bohat Si Cheezon Ke Liye Apply Kiya Ja Sakta Hay, Like So-Called Smart Contracts, Jo Conditions Meet Honay Per Khud Hi Execute Ho Jatay Hain Aur Non-Fungible Tokens (NFTs).

Ethereum Main Bhi 3 Saal Main Exceptional Growth Hui Hay. April 2016 Main Is Ki Price $11 Thi Jo Ab $1,200 Tak Pohanch Gayi Hay. Yani 10, 890% Ka Izafa Hua Hay.

3. Tether (USDT)

  • Market Cap: $65.3 Billion

Deegar Cryptocurrency Ke Muqablay Main Tether (USDT) Aik Stablecoin Hay. Yani Ke Ye U.S. Dollars Aur Euro Jaisi Fiat Currencies Se Linked Hay Aur Hypothetically Apni Value Us Currency Ke Equal Rakhti Hay. Theoretically Is Ka Matlab Ye Hua Ke Tether Ki Value Dusri Cryptocurrencies Ki Nisbat Zyada Consistent Rehti Hay. Isi Liye Ye Un Investors Ki Favorite Hay Jo Crypto Coins Main Extreme Volatility Se Pareshan Rehtay Hain.

4. Binance Coin (BNB)

  • Market Cap: $48.0 Billion

Binance Coin (BNB) Cryptocurrency Ki Aisi Form Hay Jo Aap Binance Per Trading Ya Fee Payment Ke Liye Use Kar Saktay Hain. Binance Dunya Ke Baray Crypto Exchanges Main Se Aik Hay. 2017 Main Launch Kiya Jana Wala Ye Coin Ab Dusray Crypto Coins Purchase Karnay Ke Liye Bhi Istemal Ho Sakta Hay.

November 2017 Main BNB Ki Qeemat Sirf $0.10 Thi Jo December 2022 Main Around $300 Ho Chuki Hay. Yani Is Ki Price 300,000% Increase Hui Hay.

5. U.S. Dollar Coin (USDC)

  • Market Cap: $44.0 Billion

Tether Ki Tarah USD Coin (USDC) Bhi Stablecoin Hay. Kynke Ye U.S. Dollars Se Backed Hay Aur Iska Aim 1 Usd To 1 USDC Ratio Maintain Rakhna Hay. USDC Ethereum Ke Zariye Powered Hay Aur Aap USD Coin Ko Global Transactions Ke Liye Use Kar Saktay Hain.

6. Binance USD (BUSD)

  • Market Cap: $22.38 Billion

Binance USD (BUSD) Bhi Aik Stablecoin Hay Jo Paxos Aur Binance Ne U.S. Dollars Backed Cryptocurrency Create Karnay Ke Liye Banaya Hay. Is Ki Value Maintain Karnay Ke Liye Paxos BUSD Ki Total Supply Jitney U.S. Dollars Hold Rakhta Hay. Dusray Stable coins Ki Tarah BUSD Traders Aur Crypto Users Ko Aapas Main Trade Karnay Ki Sahulat Deta Hay Aur Is Main Volatility Ka Risk Bhi Kam Hay.

7. XRP (XRP)

  • Market Cap: $19.8 Billion

Ye Coin Digital Technology Aur Payment Processing Company Ripple Ke Kuch Founders Ne Banaya Hay. XRP Ripple Network Per Fiat Currencies Aur Major Cryptocurrencies Samait Different Currency Types Ke Exchange Ke Liye Use Kiya Jata Hay.

2017 Ke Beginning Mian XRP Ki Price $0.006 Thi Jo December 2022 Tak 6,400% Increase Ho Kar $0.39 Tak Pohanch Chuki Hay.

8. Dogecoin (DOGE)

  • Market Cap: $13.51 Billion

Dogecoin 2013 Main Aik Joke Ke Tor Per Start Ki Gayi Thi Lekin Jald Hi Ye Aik Prominent Cryptocurrency Ban Gayi. Is Ke Peechay Dedicated Community Aur Creative Memes Ka Bara Haath Tha. Dusray Cryptos Ke Baraks Dogecoins Ki Creation Ki Koi Limit Nahi Rakhi Gayi Hay. Is Se Ye Khatra Paida Hota Hay Ke Supply Increase Honay Se Ye Coin Devalue Ho Sakta Hay.

2017 Main Degecoin Ki Price $0.0002 Thi, Jo December 2022 Tak $0.10 Ho Chuki Hay, Yani Is Main Nearly 50,000% Ka Izafa Hua Hay.

9. Cardano (ADA)

  • Market Cap: $10.6 Billion

Crypto Scene Per late Samnay Aanay Waly Cardano (ADA) Ne Proof-Of-Stake Validation Ko Jaldi Apna Kar Fame Hasil Ki. Is Se Transaction Jaldi Ho Jati Hay Aur Energy Kam Use Hoti Hay. Ethereum Ki Tarah Cardano Bhi Smart Contracts Ke Liye Use Kiya Jaskta Hay.

Cardano Ke ADA Token Ki Growth Dusray Major Crypto Coins Ke Muqablay Main Moderate Rahi Hay. 2017 Main Is Ki Price $0.02 Thi Jo December 2022 Main 1,450%. Izafay Ke Saath $0.31 Ho Gayi Hay.

10. Polygon (MATIC)

  • Market Cap: $7.3 Billion

2017 Main Launch Kiye Gaye Polygon Ko Pehlay Matic Network Ke Naam Se Jana Jata Tha. Popular Cryptos Main Shamil Polygon Ko “Ethereum’s Internet Of Blockchains.”  Kehtay Hain. Shayad Is Ki Wajah Ye Hay Ke MATIC 7,000 Se Zyada Decentralized Applications (dApps) Ko Support Karta Hay.

3 Saal Main Polygon Ki Growth Bhi Tremendous Rahi Hay. 2017 Main MATIC Ki Initial Price $0.00263 Thi, Jo Aaj Kal $0.83 Ho Chuki Hay, Yani 31,458% Ka Izafa Hua Hay.

شیئر

جواب لکھیں