Monetary Policy Meeting Hui, Experts Keh Raha Thay Ke Is Mein Koi Change Nahi Hoga. But Then Phir Aaya Surprise! SBP 100 Basis Points Ke Izafay Sath Policy Rate Ko 1% Barha Kar 16% Pe Lay Gaya.
Is Surprise Ke Baad Pehle Hi Andaza Ho Gaya Tha Ke Monday Ko Jab Pakistan Stock Exchange Khulega Tou Ismein Downfall Aana Hi Aana Hai. Kyun Ke Ek Tou Mulk Mein Political Instability Hai Aur Phir Ye Monetary Policy Rate Ka Barh Jaana.
To Aaj Subha Stock Market Khuli, Aur 30 Mins Baad Hi 600 Points Gir Gaey. Jese Sab Ne Ek Dam Se Hath Utha Liya Ho. Market Open Tou 42,936.73 Points Pe Hui Par Phir Close Hui 42,071.34 Par, Yaani Pure 865.39 Points Gir Gae.
Monetary Policy Rate Barhne Ke Reasons Kuch Ye Bataya Ja Raha Hai Ke IMF Ka Government Par Pressure Tha , Aur Is Rate Ke Barhne Ke Baad IMF Ki Taraf Se Agli Fund Installments Ka Release Hona Ab Asaan Lag Raha Hai.