PTI Ne Long March Ka Dobara Aghaz Kar Diya. Qafila Aik Haftay Baad Waheen Se Chalna Shuru Hua Jahan 3 November Ko Imran Khan Par Qatilana Hamla Hua Tha. Imran Khan Ne Lahore Main Apne Ghar Se Video Link Per Khitab Kiya.

Qaum Chief Justice Ki Taraf Dekh Rahi Hay, Imran Khan

Sabiq Wazeer-e-Azam Ne Kaha Ke Choron Ka Deen Se Talluq Nahi. Un Ko Apni Chori Bachanay Ki Fikr Hoti Hai. Zindagi Aur Maut Jis Ke Haath Mein Hai Us Ne Mujhe Bacha Liya. Shahbaz Gil Ke Baad Azam Swati Par Tashadud Kya Gaya Is Par Action Nahi Liya Gaya. Mulk Mein Jo Kuch Kya Ja Raha Hai Is Par Duniya Mein Badnami Hui Hai. Azam Swati Ne Bataya Video Bana Kar Biwi Ko Bheji Gayi. Dekhna Ho Ga Hamaray Mulk Ka Nizam Kab Tahaffuz Day Ga.

Imran Khan Ka Kehna Tha Ke Cheif Justice Sahib! Aap Ko 4 Cheezen Dekhni Parren Gi. FIR, Azam Swati, Arshad Sharif Ke Saath Jo Huwa, Is Par Insaaf Zaroori Hai. Arshad Shareef Ki Jo Taswerain Dikhayi Wo Kis Terhan Un Ke Paas Aayin. Arshad Sharif Ki Walida Post Mortem Report Mang Rahi Hain Magar Un Ko Nahi Mili. Ab To Wazeh Ho Gaya Hai Arshad Sharif Ko Plan Kar Ke Tashadud Kar Ke Mara Gaya. Arshad Sharif Mujhe Batata Tha Usay Kaun Kaun Dhamkian Deta Tha.

Unhon Ne Kaha Ke Mujhe Siyasat Chamkanay Ki Zaroorat Nahi Hai, Yeh Mulk Ka Masla Hai. Qaum Cheif Justice Ki Taraf Dekh Rahi Hai, Qaum Adliya Ki Taraf Dekh Rahi Hai.

Qatilana Hamlay Ka Pata Chal Gaya Tha

Sabiq Wazir-e-Azam Ka Kehna Tha Ke Mujhe Qatal Karne Ka Plan September Mein Bana Tha. 24 September Ko Rahim Yar Khan Jalsay Mein Plan Ka Bataya Tha. Mujhe Qatal Karne Ke Liye Tauheen-e-Mazhab Ka Rang Dainay Ki Koshish Ki Gayi. Mazhabi Jununiat Se Mutaliq Mulzim Ka Fori Bayan Aana Cover Up Tha. Mulzim Kehta Hai Mein Akela Tha, Pata Chal Raha Hai Ke Totay Ko Parhaya Gaya Hai. Forensic Mein Wazeh Ho Gaya 2 Jaghon Se Firing Hui Yani Do Shooter Thay.

Unhon Ne Kaha Ke Jab Tak Zinda Hon Mein Kabhi Peechay Nahi Hatun Ga. Mein Rawalpindi Pohanch Kar Qaflon Ka Istaqbal Karun Ga. Mein Puray Pakistan Ko Haqeeqi Azadi Ki Dawat Deta Hun. Allah Ka Hukum Hai Zulm Ke Khilaaf Aur Achhai Ke Sath Kharray Hon. Akela Koi Kuch Nahi Kar Sakta. Qoumain Hi Choron Aur Corruption Ke Khilaaf Larti Hain.

Hamara Long March Rukay Ga Nahi

Un Ka Kehna Tha Ke Hamara Long March Rukay Ga Nahi Balkay Zor Pakre Ga. Jab Tak Insaaf Nahi Ho Ga Azad Nahi Hon Ge. Mujh Par Qatilana Hamlay Ki FIR Darj Nahi Ho Rahi. Jab Tak Jungle Ka Qanoon Rahay Ga Mulk Azad Nahi Ho Sakta. Yahan Sabiq Wazir-e-Azam Ke Huqooq Nahi Hain. Sabiq Wazir-e-Azam Apni FIR Darj Nahi Karwa Sakta. Mein Pakistan Ka Sabiq Wazir-e-Azam Aur Mulk Ki Sab Se Barri Jamaat Ka Sarbarah Hun Magar Main Apni FIR Darj Nahi Karwa Sakta. Kyunkay Is Mein Aik Afsar Ka Naam Tha. Tarjuman Pak Fauj Se Kehta Hun Tauheen Tab Hogi Jab Wo Action Nahi Le Gi Aur Idara Khud Ko Qanoon Se Ooper Samjhay Ga. Punjab Mein Hamari Hukumat Hai Magar Police Kahin Aur Se Control Ho Rahi Hai.

Imran Khan Ne Kaha Ke Cheif Justice Sahib Hum Banana Republic Ban’nay Ja Rahay Hain Jahan Koi Insaaf Nahi Hota. Is Liye Is Waqt Aap Ko Mulk Ko Bachana Hai. Qaum Idaron Par Aitbaar Kho Baithi Hai Jis Ko Bahaal Karne Ki Zaroorat Hai. Cheif Justice Ki Bohat Barri Zimmay Daari Hai. Qaum Cheif Justice Ki Taraf Dekh Rahi Hai .

Share.

Leave A Reply