Wazir-e-Azam Shehbaz Sharif Ke Qareebi Saathi Khawaja Asif Nay Media Say Baat Kartay Huvay Kaha Kay Naye Army Chief Ki Summary Abhi Tak Bani Bhi Nahi. Naye COAS Kay Intakhab Ka Amal Abhi Shuru Bhe Nahi Huva. Unhon Nay Tou London Main Honay Wali Mushawarat Say Bhi Inkar Kar Dia. Raat Bhar Mukhtalif News Channels Ye Headlines Mukhtalif Tareeqay Say Chalatay Rahay Aur Aaj Subah Office Pohanchtay Hi Maryam Orangzaib Kay Aik Tweet Nay Pairon Talay Say Zameen He Nikal Di.

Marriyun Aurangzeb Ne Likha Ke ‘Wazir-e-Azam Shehbaz Sharif Corona Positive Ho Gaye Hain. 2 Roz Say Tabiat Kafi Kharab Thi. Doctoron Kay Mushwaray Say Aaj Test Karaya Gaya. Awam Aur Karkunan Say Wazir-e-Azam Ki Jaled Sahat Yabi Ki Dua Ki Apeal Hay.

Allah Taala Wazeer-e-Azam Ku Jaled Sahat Yaab Karay.

 Khuda Un Ku Har Beemari Say Door Rakhay.

Khuda Un Ko Pehlay Say Ziada Tawana Karay.

Magar

Ab Naye Army Chief Ki Taqarruri Ka Kia Ho Ga?

Kiya Wazir-e-Azam Army Chief Say Alwidai Mulaqat Bhi Nahi Kar Payen Gay?
Shehbaz Sharif Say Agar Sadar Arif Alvi Milnay Ko Bay Taab Hon Tu Woh Bhe Nhi Mil Sakain Gay?

PMLN Ka Koi Aham Leader Jaisay Khawaja Asif, Ahsan Iqbal Ya Malik Ahmad Khan Bhi Mulaqat Nahi Kar Paye Ga?

Sabiq Sadar Asif Ali Zardari, Maulana Fazal ur Rehman Bhi Koi Mulaqat Nahi Kar Sakian Gay?

Aur Tou Aur Telephone Par Bhei Koi Aham Baat Nahi Ho Sakay Gi.

Tou Phir Kia Hoga?

Aisi Ghambeer Surat-e-Haal Main Wazir-e-Azam Shehbaz Sharif Ko Corona Nahi Hona Chahiye Tha.

Waisay Tou Wazir-e-Azam London Say “Khalisatan Merit” Ka Farmula La Chukay Hain Magar Khawaja Asif Kehtay Hain Faisala Islamabad Main Hoga. Agar Aisa Hoga To Mushawarat Tou Taqreeban Na Mumkin Ho Chuki Hay.

Bas Dua Hi Ki Ja Sakti Hay Allah Pak Wazir-e-Azam Ko Jald Sehatyab Karay Aur Naye Army Chief Ka Intakhab Ba Asani Aur Bar Waqat Mumkin Ho Sakay.  

Share.

Leave A Reply