Sabiq Wazeer-e-Azam Imran Khan Shahzaib Khanzada Kay Program Main Chalnay Wali Ghari Ki News Par Sakht Barham Hu Gaey Hain. Aik Tweet Main Khull Kar Kaha Hay Kay Wo Geo News, Uskay Anchor Shahzaib Khanzada Aur Umar Farooq Zahoor Ko Sue Karain Gay. Aham Baat Yeh Hay Kay Imran Khan Pakistan Kay Ilawah UAE Aur UK Main Bhe In Kay Khilaf Adalat Main Jain Gay.
Fawad Bhi Ghussay Main
Is Say Pehlay PTI Leader Fawad Chaudhry Nay News Conference Kartay Huay Kaha Kay Imran Khan Nay Ghari Umar Farooq Ku Nahi Baichi, Na Hi Is Shakhs Ka Imran Khan Kay Sath Koi Ta'aluq Hay.
Woh Bolay 5 Million Dollars Ki Koi Ghari Kisi Wazeer-e-Azam Ko Tohfay Main Nahi Di Gai. Imran Khan Nay Ghari Tosha Khana Say Qanoon Kay Mutabiq Kharidi. Yeh Ghari Tax Returns Main Bhi Zahir Ki Gai Hay. Imran Khan Kay Khilaf Kuch Nahi Mila Tu Tosha Khana Case Bana Dia.