Wazir-e-Azam Shehbaz Shairf Ki Air Aur Alleged Audio Leak Ho Gayi. Audio Main Kisi Afsar Ko Shehbaz Sharif Se PDM Ki Hukumat Bannay Ke Baad PPP Se Mutaliq Baat Kartay Huye Suna Ja Sakta Hay.

Unknown Afsar Kehta Hay Ke “Sir Ayaz Saddiq Sahib Keh Rahay Hain Kay Ab Wo SAPM Say Bhi Share Mang Rahay Hain, PPP Walay…”

Shehbaz Shairf Jawab Main Kehtay Hain, “Un Say Baat Hui Thi Bilkul, Bilawal...”

Unknown Afsar Phir Kehta Hay, “ Phir Hum Nay Dekhna Hay Kay Zafar Mehmmod Ko Lagana Hay Aur Jahnzaib Sahib Ko Lagana Hay… Aaj Aap Ko Ak File No. Bata Dun Ga..”

Is Ke Jawab Main Shehbaz Sharif Ne Kaha Ke, “Wo Doctor Ko Share Kar Lain PPP Aur Baqi Logon Ko Bhi…”

Unknown Afsar Ne JUI Aur MQM Ka Bhi Zikr Kiya, “Wo Phir JUI Bhi Mangay Gi Aur MQM… MQM Kay Aik Banday Ka Naam Malik Ahmed Ali Bata Rahay Thay Us Ka Hamari Deal Karanay Main Bara Aham Kirdar Tha… Tu Main Ap Ko Us Ki CV… Sir Wo Karachi Ka Banda Hay…”

Is Se Pehlay Bhi Wazir-e-Azam House Ki Kai Audio Leak Ho Chuki Hain. Aik Main Koi Sarkari Afsar Maryam Nawaz Ke Damad Ke Liye India Se Machinery Import Ke Muamlay Per Shehbaz Sharif Se Baat Kar Raha Tha. Aik Audio Main Maryam Naewaz Miftah Ismail Ki Shikayat Karti Sunai Di Theen.

Wazir-e-Azam Shehbaz Sharif Ye Tasleem Kar Chukay Hain Ke Audio Asli Hain. Unhon Ne is Per Aik Tehqiqati Committee Bhi Banayi Thi. Committee Ka Kehna Tha Ke Audio Leaks Main Koi Agency Mulawis Nahi, Amlay Ke Afrad Ne Paisay Ke Liye Infradi Tor Per Ye Kaam Kiya.

شیئر

جواب لکھیں