نواز شریف پاکستان کیوں نہیں آ رہے؟

سابق وزیرِ اعظم پاکستان نواز شریف اپنے حالیہ دورۂ سعودی عرب کی وجہ سے ایک مرتبہ پھر خبروں میں ہیں۔ عمرے کی ادائیگی کے لیے ان کے ساتھ ان کی صاحبزادی مریم نواز بھی ہیں۔ توقع ہے کہ ان کے بھائی شہباز شریف بھی ملاقات کے لیے سعودی عرب جائیں گے۔ لیکن نواز شریف ان دونوں کے ساتھ وطن واپس نہیں آئیں گے بلکہ عمرے کی ادائیگی کے بعد واپس لندن چلے جائیں گے۔

اس ولاگ میں ہم سابق وزیر اعظم نواز شریف کے پاکستان واپس نہ آنے کی ممکنہ وجوہات پر بات کریں گے۔ بدستور بیرونِ ملک قیام کرنے کے فیصلے کا سبب بننے والے کون سے اہم عوامل ہیں اور یہ بھی کہ کون سے قانونی معاملات، سیاسی ضروریات اور ذاتی خدشات ہیں جو اس فیصلے کا سبب بن رہے ہیں۔