England Ki Bazball Strategy, Especially Harry Brook Ki Batting Test Cricket Ko Hi Badal Day Gi. New Zealand Kay Against 2nd Test Mein England Pehlay Din Sirf 65 Overs Mein 315 Runs Bana Chuka Hay. Jis Mein Harry Brook Ki Career Best 184 Runs Ki Not Out Innings Bhi Shamil Hay, Jinhon Nay Aik Baar Phir Tehlka Macha Dia Hay.

Aik Aisay Waqt Mein Jab Test Cricket 5 Din Say Kam Karnay Ki Batein Ho Rahi Hain, Lagta Hay England Is Mission Par Nikla Hua Hay. Mazay Ki Baat Ye Hay Ke Din Ka Start Sirf 21 Par England Kay 3 Out Honay Say Hua. Zak Crawley, Ben Duckett Aur Ollie Pope Matt Henry Aur Tim Southee Ka Shikar Banay. Tab Harry Brook Aey Aur Joe Root Kay Sath Mil Kar Game Palat Dia.

Game Changing Partnership

Joe Root Aur Harry Brook 58.2 Overs Mein 294 Runs Ki Partnership Kar Chukay Hain Aur Abhi Ye Partnership Chal Rahi Hay. Jahan Aik End Say Brook 5 Sixes Aur 24 Fours Kay Sath 169 Balls Par 184 Runs Bana Chukay Hain, Waheen Joe Root Nay Bhi Din Ki Last Ball Par Apni 29th Hundred Complete Ki. Wo 182 Balls Par 101 Runs Kay Sath Khel Rahay Hain.

Pehli Baar Nahi!

Aur Aisa Pehli Baar Nahi Hua, England Nay Mount Maunganui Mein Honay Walay Pehlay Test Mein Bhi Yahi Kia Tha. Tab England Nay Pehlay Din Sirf 58.2 Overs Mein 325 Runs Bana Kar Declaration Ka Ailan Bhi Kar Dia Tha. Phir 2nd Innings Mein Bhi 73.5 Overs Khelay Aur 374 Runs Banaey. Aur Baad Mein Ye Test 267 Runs Say Jeeta Tha. Brook Nay Us Match Mein 81 Balls Par 89 Aur Phir 41 Par 54 Runs Ki Innings Kheli Theen.

One Step Forward

Ab Wellington Mein Brook One Step Forward Gaey Hain Aur Apni 4th Test Hundred Bana Li Hay. Wo Isay Apnay Career Ki Best Hundred Keh Rahay Hain Laikin Mazay Ki Baat Ye Hay Ke Ye Un Ki Slowest Test Hundred Hay, Jo Unhon Nay 107 Balls Par Banai. Andaza Laga Lain Ke Brook Kaisa Fast & Furious Kheltay Hain. Wo Ab Tak 9 Test Innings Mein 807 Runs Bana Chukay Hain.

Ab Dekhna Ye Hay Ke Wellington Test Kay Doosray Din Harry Brook Apni Pehli Double Hundred Complete Kar Patay Hain Ya Nahi.

شیئر

جواب لکھیں