India Nay Netherlands Ko 56 Runs Say Shikast Day Kar T20 World Cup Main Apnay Group Main Top Position Hasil Karli Hay.
Kohli, Jahan Rukay Thay, Waheen Say Restart
Virat Kohli Tou Pakistan Kay Khilaf Jahan Rukay Thay, Waheen Say Restart Ho Gaey. Unhon Nay 44 Balls Par Not Out 62 Runs Banaey. Kohli Ki Innings Main 3 Sixes Shamil Thay, Jin Main Say 1 Unhon Nay Last Over Main Lagaya. Jin Ki Waja Say India 179 Runs Tak Puhancha.
ICC T20 World Cup 2022, 23rd Match
India vs Netherlands
27 October 2022
Sydney Cricket Ground, Sydney, Australia
Result: India 56 Runs Say Jeet Gaya
 India | 179-2 | |
|---|---|---|
| Virat Kohli | 62 (44) | |
| Rohit Sharma | 53 (39) |
| NED Bowling | O | M | R | W |
|---|---|---|---|---|
| Paul van Meekeren | 4 | 0 | 32 | 1 |
| Fred Klaassen | 4 | 0 | 33 | 1 |
 Netherlands | (T:180) | 123-9 |
|---|---|---|
| Tim Pringle | 20 (15) | |
| Colin Ackermann | 17 (21) |
| IND Bowling | O | M | R | W |
|---|---|---|---|---|
| Bhuvneshwar Kumar | 3 | 2 | 9 | 2 |
| Axar Patel | 4 | 0 | 18 | 2 |
Runs Ki Behti Ganga
Indian Innings Main Runs Ki Behti Ganga Main Kohli Kay Ilawa Suryakumar Yadav Balke Rohit Sharma Nay Bhi Hath Saaf Karliay. Rohit Nay Review Aur Aik Catch Drop Say Milnay Wali Zindagi Ki Madad Say 39 Balls 53 Runs Banaey. KL Rahul Ki Aik Aur Nakaami Kay Baad Unhon Nay Kohli Kay Sath 56 Balls Par 73 Runs Ki Partnership Ki.
SKY Aasman Par
India Ka Start Itna Tez Nahi Tha. 9 Overs Main Sirf 53 Runs Thay. Yahan Rohit Nay Innings Ko Next Gear Main Daala. Laikin Jald Hi Out Ho Gaey. Un Kay Baad Suryakumar Yadav Crease Par Aaey Aur Aatay Hi Innings Top Gear Main Chali Gai.
India Nay Last 8 Overs Main 95 Runs Banaey, Jis Main SKY Ka Part 25 Balls Per 51 Runs Ka Tha.
Last Over Main Kohli Aur SKY Kay 2 Sixes Kay Sath India 179 Runs Tak Puhanch Gaya. Jis Stadium Main Kuchh Dair Pehlay South Africa Nay Last 5 Overs Main Sirf 29 Runs Bana Kar Bhi 205 Runs Ka Total Bana Lia Tha, Waha Ye 179 Runs India Ki Shaan Kay Mutabiq Nahi Thay, Phir Bhi Netherlands Ko Roknay Kay Liay Kafi Sabit Huay.
Struggling Netherlands
Target Chase Kartay Netherlands Shuroo Say Hi Struggle Karta Nazar Aaya. First Over Hi Maiden Khela, Aur 5th Over Tak Donon Openers Out Ho Chukay Thay.
Ye India Kay Spinners Thay Jinhon Nay Apna Kaam Dikhaya. Axar Patel Nay Dangerous Max O’Dowd Ko Out Kia Aur Talented Bas De Leede Ki Wicket Bhi Hasil Ki. Doosray End Say Ravichandran Ashwin Nay Colin Ackermann Aur Tom Cooper Ki Wickets Lay Leen. Sirf 63 Runs Par Hi Netherlands Ki Aadhi Team Book Ho Chuki Thi. Bas Ye Tay Hona Baqi Tha Ke India Jeetay Ga Kitnay Runs Say?
20 Overs Complete Huay To Scoreboard Par 123 Runs Hi Mojood Thay. Axar Aur Ashwin Kay Baad Bhuvneshwar Kumar Aur Arshdeep Singh Nay Bhi 2,2 Wickets Hasil Keen.
Ab India Top Par
Is Kamyabi Kay Sath Hi India 2 Matches Main 4 Points Lay Kar Group 2 Kay Points Table Main Top Par Aa Gaya Hay. South Africa 3 Points Kay Sath 2nd Number Par Hay, Jo Zimbabwe Kay Khilaf Match Barish Ki Waja Say Zaya Honay Say Aik Yaqeeni Point Say Mehroom Hua Tha.
ICC T20 World Cup 2022
Points Table
Group 2
| M | W | L | N/R | PT | NRR | |
|---|---|---|---|---|---|---|
| India | 2 | 2 | 0 | 0 | 4 | 1.425 |
 South Africa | 2 | 1 | 0 | 0 | 3 | 5.200 |
 Bangladesh | 2 | 1 | 1 | 0 | 2 | -2,375 |
 Zimbabwe | 1 | 0 | 0 | 1 | 1 | - |
 Pakistan | 1 | 0 | 1 | 0 | 0 | -0.050 |
| Netherlands | 1 | 0 | 1 | 0 | 0 | -0.450 |