Pakistan vs India, PSL vs IPL, Kitna Maza Aata Hay Na Compare Karnay Mein? Jab Baat Donon Leagues Mein Paisay Ki Ho To Hum To Quality Of Cricket Ki Baat Kar Kay Patli Gali Pakar Laitay Hain. Laikin Kya Aap Jantay Hain Kuch Cricketers Aisay Bhi Hain Jo Indian Premier League Say Bhi Zyada Pakistan Super League Say Kamatay Hain? Shayad Aap Ko Sun Kar Hairat Ho Laikin Ye Haqeeqat Hay. Aaj Is Par Baat Kartay Hain, Laikin Pehlay Zara Harry Brook Ka Sixer To Dekhtay Jayen.

Harry Brook Ka Chakka

Is Waqt 20 Players Aisay Hain Jo PSL Aur IPL Donon Kay Next Season Kay Liay Select Huay Hain, Jin Mein Is Waqt Sab Say Zyada Zikar Ho Raha Hay England Kay Harry Brook Ka. Lahore Qalandars Say Khelnay Walay Brook Ko Sun Risers Hyderabad Nay IPL Auction Mein 1,602,177 USD Mein Buy Kia Hay, Yani 13.25 Crore Indian Rupees Mein. Laikin Kya Aap Jantay Hain Ke Brook Qalandars Ko Kitnay Mein Milay Thay? Sirf Aur Sirf 25,000 USD Mein. Kyunke Wo PSL Draft 2023 Ki Silver Category Mein Aaey Thay. Yani Wo IPL Mein 1,577,177 USD Zyada Kamayen Gay.

Waisay IPL Mein Buhat Say Players Hain, Jin Ka Jackpot Laga Hay, Jaisa Ke Sri Lanka Kay Wanindu Hasaranga De Silva. Quetta Gladiators Nay Next Season Kay Liay Unhain 170,000 USD Mein Pick Kia, Laikin IPL Mein Royal Challengers Bangalore Nay Unhain 1,299,879 USD Mein Haasil Kia Hay. Phir England Kay Moeen Ali Aur Australia Kay Tim David Bhi Aisay Players Hain, Jin Ki PSL Aur IPL Salary Mein Zameen Aasman Ka Faraq Hay.

Jo PSL Say Zyada Kamayen Gay

Next Season Mein 3 Players Aisay Hon Gay, Jo IPL Kay Muqablay Mein PSL Say Zyada Kamayen Gay. Aik To West Indies Kay Odean Smith Hain, Jinhain IPL Mein Gujarat Titans Nay 60,459 USD Ki Base Price Par Haasil Kia Hay. Laikin PSL 2023 Kay Liay Quetta Gladiators Nay Unhain 130,000 USD Mein Pick Kia Tha. Yani Double Say Bhi Zyada Paisaon Par.

Isi Tarah Afghanistan Kay Fazalhaq Farooqi Hain, Jo Base Price 60,459 USD Par Sunrisers Hyderabad Ko Milay, Laikin PSL Mein Wo 130,000 USD Par Islamabad United Ki Diamond Pick Banay Thay.

Is Say Pehlay Islamabad United Afghanistan Hi Kay Rehmanullah Gurbaz Ko Platinum Pick Mei Lay Chuka Tha. Gurbaz IPL Mein 60,459 Ki Base Price Par Kolkata Knight Riders Kay Liay Khelain Gay, Laikin PSL 2023 Kay Lian Unhain Milain Gay 150,000 USD, Yani Mazay Hi Mazay!  

PSL vs IPL

Kaun Kahan Zyada Kamata Hay?

PlayerIPL $ PSL $Difference
Raftar Bharne Do Harry Brook1,602,17725,0001,577,177
Raftar Bharne Do Bhanuka Rajapaksa604,595170,000434,595
Raftar Bharne Do Rovman Powell338,573170,000168,573
Raftar Bharne Do Rilee Rossouw556,227150,000406,227
Raftar Bharne Do Tim David997,58260,000937,582
Raftar Bharne Do David Weise120,91925,00095,919
Raftar Bharne Do Rashid Khan241,838170,00071,838
Raftar Bharne Do Matthew Wade290,206170,000120,206
Raftar Bharne Do Sikandar Raza60,45960,000459
Raftar Bharne Do Josh Little532,044170,000362,044
Raftar Bharne Do Akeal Hossein120,91960,00060,919
Raftar Bharne Do David Miller362,757170,000192,757
Raftar Bharne Do Adil Rashid241,838130,000111,838
Raftar Bharne Do Rahmanullah Gurbaz60,459150,00089,541
Raftar Bharne Do Wanindu Hasaranga1,299,879170,0001,129,879
Raftar Bharne Do Odean Smith60,459130,00069,541
Raftar Bharne Do Naveen ul Haq60,45925,00035,459
Raftar Bharne Do Fazalhaq Farooqi60,459130,00069,541
Raftar Bharne Do Moeen Ali967,352130,000837,352
Share.

Leave A Reply