Bharti Media Ne Dawa Kiya Hay Ke Sania Mirza Aur Shoaib Malik Ne Talaq Ka Faisla Kar Liya Hay. Ye Dawa Bharti TV Channel Zee News Ki Report Main Kiya Gaya Hay. Report Ke Mutabiq Sania Mirza Aur Shoaib Malik Ke Qareebi Doston Ne Tasdiq Ki Hay Talaq Ka Faisla Ho Chuka Hay. Ab Bus Kaghzi Karrawai Honi Baqi Hay. Dono Ke Darmiyan Ikhtilafat Ki Waja Abhi Samnay Nahi Aayi.
Guzishta Dinon Sania Mirza Ne Instagram Per Apnay Betay Ke Saath Tasvir Post Ki Thi. Unhon Ne Likha Tha Ke ‘Wo Lamhat Jo Mushkil Tareen Dinon Mein Mera Saath detay Hain.’
Is Post Ke Baad Dono Ke Darmyan Doori Ki Khabron Mein Mazeed Tezi Aayi Thi. Is Se Pehle Sania Mirza Ne Aik Story Mein Bhi Likha Tha Ke ‘Tootay Huye Dil Kahan Jatay Hain, Allah Ko Talash Kartay Hain.’
Sania Mirza Ki Ye Story Bhi Social Media Per Viral Hui Thi.
Doori Ke Isharay
Dusri Janb Sania Mirza Ke Instagram Account Se Shoaib Malik Ki Tasveeren Bhi Delete Kar Di Gayi Hain, Sirf Chand Aik Tasveeren Baqi Hain.
Indian Media Ke Mutabiq Pakistan Mian Shoaib Malik Ke Management Department Ki Team Ke Rukn Ne Tasdiq Karte Huye Kaha Ke ‘Main Zyada Tafseelat Nahi Bata Sakta Lekin Dono Ke Darmyan Alelhdgi Ho Gayi Hay.’
Sania Mirza Apnay Betay Ke Saath Dubai Main Rehti Hain Janbkay Shoaib Malik T20 World Cup Ke Silsilay Main Pakistan Ke Aik Private Channel Ke Liye Kaam Kar Rahe Hain.
Bharti Tennis Star Aur Pakistani Cricketer Ki Shadi April 2010 Mein Hui Thi. Shadi Ke Baad Dono Ne Dubai Main Rehnay Ka Faisla Kiya Tha. Taham Donon Bahart Aur Pakistan Main Bhi Aik Sath Waqt Guzartay Rahay Hain.
Sania Mirza Aur Shoib Malik Ke Betay Izhan Ki Pedaish 30 October 2018 Ko Hui Thi. Chand Din Qabal Betay Ki Chauthi Salgirah Ke Liye Shoib Malik Pakistan Se Dubai Pohnchay Thay. Unhon Ne Apni Tasveeren Bhi Share Ki Theen.