Aaj Khushi Ki Sirf Yahi Khabar Nahi Thi Ke India T20 World Cup Ka Semi Final Haar Gaya, Balke Ye Bhi Hai Ke Pakistan Stock Exchange (PSX) Barray Time Kay Baad Itna Positive Nazar Aaya. Thursday Ko Market 42,959.28 Tak Gai, Jo Izafa Tha 636 Yaani Takriban 1.50%. Jis Kay Baad Closing 42,901.27 Points Pe Hui.

Iss “High Tide” Ka Reason Asian Infrastructure Investment Bank (AIIB) Inflow Samjha Ja Raha Hai. Wednesday Ko Finance Minister Ishaq Dar Ne Announce Kiya Tha Ke Pakistan Ko BRACE (Building Resilience With Active Countercyclical Expenditures) Development Ke Liye AIIB Se $500 Million Co-Financing Mileygi.

Ye Funds November 2022 Mein Hi State Bank Of Pakistan Mein Receive Kiye Jaein Ge. Iss Dollar Inflow Ki Waja Se Pakistani Reserves Ki Position Achi Ho Sakti Hai.

KSE-100 Index Ko Upar Ley Jane Wali Doosri Waja Hai Federal Government Ko Wo Faisla Jo Interest-Free Economy Kay Hawalay Say Kia Gaya Hay. Asal Mein Federal Shariah Court Nay Economy Ko 5 Saalon Mein Interest-Free Karnay Ki Hidayat Ki Thi. Jis Kay Khilaf State Bank Of Pakistan Aur National Bank Of Pakistan Nay Supreme Court Mein Appeal Ki Thi. To Ab Federal Government Ka Ye Appeal Wapis Lena Bhi Market Kay Liay Positive Sabit Hua.

شیئر

جواب لکھیں