Ye T20 World Cup Bhi Kya Zabardast Tournament Raha Hay. Group Stage Kay Last Din Tak Samajh Nahi Aa Rahi Ke Kaun Semi Final Khelay Ga Aur Kaun Bahar Hoga? Khair, Group 1 Ka Faisla To Ho Chuka Hay Jahan New Zealand Kay Baad England Bhi T20 World Cup Semi-Final Main Puhanch Chuka Hay.

Sri Lanka Kay Khilaf Last Match England Kay Liay Must-Win Tha. Australia Ki Nazrain Bhi Is Match Par Theen. Host Aur Defending Champion Australia Dua Kar Raha Tha Ke Sri Lanka England Ko Hara Day. Kyunke Wo Net Run Rate Par To England Ko Peechay Nahi Chhor Sakta Tha. New Zealand Kay Against Pehlay Match Main Milnay Wali Shikast Nay Australia Ko Aisa Nuqsan Puhanchaya Ke Wo Akhir Tournament Say Bahar Hi Ho Gaya, Shayad Usi Match Ki Waja Say. Aur Haan 92 Mein Bhi Aisa Hi Hua Tha. 😁

England Kay Liay Apna Last Match Kisi Bhi Margin Say Jeetna Kafi Tha. Finally 142 Runs Chase Kartay Huay Wo Last Over Main 4 Wickets Say Jeet Gaya Aur Semi Final Main Puhanch Gaya.

Mazay Ki Baat Ye Hay Ke Group 1 Main Top 3 Teams Kay 7,7 Points Hain. Net Run Rate Nay Faisla Kia Ke Kaun Knock Out Stage Main Jaey Ga Aur Kaun Knock Out Hoga.

ICC T20 World Cup 2022

Points Table

Super 12 – Group 1

MWLN/RPTNRR
Raftar Bharne Do NZ53117+2.113
Raftar Bharne Do ENG53117+0.473
Raftar Bharne Do AUS53117-0.173
Raftar Bharne Do SL52304-0.422
Raftar Bharne Do IRE51313-1.615
Raftar Bharne Do AFG50322-0.571

Group 2, Aik Aur Super Sunday

Ab Aik Aur ‘Super Sunday’ Faisla Karay Ga Ke Group 2 Say Kaun T20 World Cup Semi-Final Main Jaey Ga. Is Group Ki Sub 6 Teams Aakhri Din Main Busy Nazar Aaen Gi. South Africa Netherlands Say Khelay Ga, Pakistan Bangladesh Say Muqabla Karay Ga Aur India Aur Zimbabwe Aamnay Samnay Hon Gay.

Ye Sub Matches Important Hain. India Aur South Africa Last Match Jeet Kar Semi Final Khelna Chahtay Hain. Zimbabwe Aur Netherlands To Bahar Ho Chukay Hain, Laikin Pakistan Ko Bhi Aik “Chance” Mila Hua Hay. Agar Wo Bangladesh Ko Hara Day Aur India Zimbabwe Say Haar Jaey To Wo Net Run Rate Par India Ko Title Race Say Bahar Kar Sakta Hay. Khwab Aur Khayal Par Koi Pabandi Thori Hay. 😉

T20 World Cup Semi-Finals

vs.VenueDate
1st Semi-FinalRaftar Bharne Do NZGroup 2 RunnerSydney9 Nov 2022
2nd Semi-FinalRaftar Bharne Do ENGGroup 2 WinnerAdelaide10 Nov 2022
Share.

Leave A Reply