Saal Badal Raha Hay, Haal Badal Raha Hay Aur Pakistan Cricket Mein To Sub Kuch Badal Raha Hay, Chairman Say Lay Kar Players Tak, Sub! Andaza Laga Lain Ke Karachi Test Mein Sarfraz Ahmed Aur Mir Hamza Khel Rahay Hain, Aur ODI Series Kay Liay Team Mein Sharjeel Khan Hain Aur Fakhar Zaman Nahi.

Ye “Inqilab” Laey Hain Chief Selector Shahid Afridi. National Selection Committee Nay New Zealand Kay Against ODI Series Kay Liay 22 Probables Kay Naamon Ka Ailan Kia, Jabke Final 16 Members Team Next Week Announce Ki Jaey Gi. Ye List Saaf Zahir Kar Rahi Hay Ke ‘Lala’ Aa Chukay Hain. Kyunke Is Mein Surprisingly Fakhar Zaman Shamil Nahi. Bawujood Is Kay Ke Wo Fully Fit Hain, Pakistan Cup Mein Khel Bhi Rahay Hain, Laikin 22 Players Mein Bhi Un Ka Naam Nahi. Jabke Sharjeel Khan Ka Naam Is List Ka Hissa Hay. Maana Ke Sharjeel Achi Form Mein Hain, Laikin Fakhar Say Achi Nahi.

Pakistan Nay Apni Last ODI Series August Mein Netherlands Kay Khilaf Kheli Thi, Fakhar Nay Us Series Mein Aik Century Bhi Banai Thi, Balkay Agar Last 2 Years Bhi Dekh Lain To Un Ka Average 44 Say Zyada Hay, Strike Rate Bhi Approx. 90 Aur Sab Say Barh Kar 3 Centuries Hain. Fakhar Nay 2 Saalon Mein Sirf 1 Fifty Banai Hay, Jis Say Un Kay Conversion Rate Ka Andaza Lagaya Ja Sakta Hay.

Fakhar Zaman Ki ODI Performace

Last 2 Years Mein

Inns.RunsHSAveSR100s50s
1566819344.5389.1831

Phir Sab Say Important Baad Ye Ke Wo Is Waqt ODI Batting Rankings Mein 11th Number Par Hain. 10 December 2022 Say Pehlay To Wo Top 10 Mein Thay. Yani Wo Keh Saktay Hain “Mujhay Kyun Nikala?

Un Kay Muqablay Mein Sharjeel Khan Ko Dekhain To Wo August 2021 Mein West Indies Kay Tour Kay Baad Say Bahir Hain. Wo Series Bhi 4 Saal Baad Un Ka National Team Mein Comeback Thi. Ab Pakistan Cup 2022-23 Mein Perform To Wo Bhi Acha Kar Rahay Hain, Laikin Itna Nahi Ke Fakhar Ko Nikaal Kar Un Ki Jaga Banai Jaey.

Sharjeel Khan – ODI Career

Inns.RunsHSAveSR100s50s
2581215232.48113.4016

Khair, Dekhtay Hain ke sharjeel ki jaga final xI mein banti hay ya nahi, laikin ye baat to tay hay ke fakhar next series nahi khelain gay.

Pakistan New Zealand ODI Series 9 Say 13 January 2023 Ko Karachi Mein Hogi. Honi To Ye Series September 2021 Mein Thi, Laikin Tab New Zealand First ODI Kay Din Hi Security Concerns Ki Waja Say Tour Chhor Gaya Tha.

Pakistan 22-Men Probable Squad For New Zealand ODI Series:

Babar Azam (Captain), Abdullah Shafique, Abrar Ahmed, Aamer Jamal, Haris Rauf, Hasan Ali, Ihsanullah, Imam-ul-Haq, Kamran Ghulam, Mohammad Haris, Mohammad Hasnain, Mohammad Nawaz, Mohammad Rizwan, Mohammad Wasim, Naseem Shah, Qasim Akram, Salman Ali Agha, Shadab Khan, Shahnawaz Dahani, Shan Masood, Sharjeel Khan Aur Tayyab Tahir.

Share.

Leave A Reply