Actor Feroz Khan Aur Aliza Sultan Kai Darmiyan Jari Khandani Tanaza Naya Rukh Ikhtiyar Kergaya Hay. Feroz Khan Nay Kaha Hay Kai Bachon Sai Milna Mera Haq Hai Aur Koi Ye Haq Mujh Sai Nahe Cheen Sakta Hay.
Jumeraat Ko Karachi City Court Mai Feroz Khan Ki Janib Sai Un Kai Bachon Sai Mulaqat Ki Darkhwast Per Samaat Hoi.
Feroz Khan Aur Aliza Sultan Ki Janib Sai Un Kai Wukla Nay Dalail Diye.
Feroz Khan Kai Wakeel Nay Kaha Kai Sabiqa Ehliya Kai Pass Bachon Ka Mustaqbil Mutasir Hoga Aur Aliza Kai Mutalbaat Sai Lagta Hay Kai Un Ka Zaihani Tawazun Theak Nahe,Woh Maali Toar Per Mustahkum Nahe Kai Bachon Ko Aachi Taleem Dilwa Sakay.
Un Honay Mutalba Kiya Kai Feroz Khan Sai Bachon Ki Kaam Az Kaam 4 Baar Mulaqaat Kerwaei Jaei Aur Muqadmay Ka Faisla Honay Tak Bachon Ko Walid Kai Hawalay Kiya Jaei.
Aliza Sultan Kai Wakeel Nay Moaqif Diya Kai Feroz Khan Ka Ziada Tar Waqt Mulk Sai Bahar Guzarta Hai Aur Woh Bachon Ko Ziada Waqt Nahe Dai Saktay, Un Ko Jaldi Ghusa Aajata Hai Aur Aisi Demagi Halat Rakhnay Walay Sakhs Kai Pass Bachay Mehfoos Nahe Rehsaktay.
Wakala Kai Dalail Kai Baad, Case Ka Faisala Mehfooz Kerliya Gaya Jo 20 October Ko Sunaya Jaey Ga.
Wazeh Rahay Kai Feroz Khan Aur Aliza Sultan Kai Darmiyan 3rd September Ko Elehdgi Hogae Thi.